Rose Day 2023 : आज रोझ डे आहे. व्हॅलेंटाइन वीकचा हा पहिलाच दिवस. या दिवशी प्रेम युगूल एकमेकांना गुलाबाचं फूल देऊन त्यांचं प्रेम व्यक्त करतात. फक्त प्रेम युगूलच नव्हे तर जवळच्या व्यक्तींनाही त्यांच्याप्रती प्रेम व्यक्त करण्यासाठी बरेच जण गुलाबाचं फूल देतात. मात्र हे फूल कोमेजून जाऊ नये किंवा कायम तुम्हाला मिळालेलं गुलाबाचं फूल तुमच्या जवळ असावं, किंवा तुम्ही दिलेल्या व्यक्तीजवळ ते कायम असावं असं जर का तुम्हाला वाटत असेल तर आज आम्ही तुम्हाला अशाच काही आर्टिफिशीयल गुलाबांच्या फुलांबाबत सांगणार आहोत.

फॅब्रिक आर्टिफिशीयल रोझ फ्लॉवर

हे फूल तुम्हाला अवघ्या 50 रुपयांत उपलब्ध असेल. या फुलांची किंमत मार्केटमध्ये काही तफावतीतही असू शकते. ही फूलं तुम्हाला डेकोरेशनच्या शॉपमध्ये सहज मिळतील.आणि ही न कोमेजणारी फूलं असल्याने ज्या ही व्यक्तीस तुम्ही हे फूल द्याल त्याच्याजवळ ते कायम असेल.

आर्टिफिशीयल मल्टीकलर वेलवेट रोझेस (Artificial Multicolor velvet Roses)

हे फूल 30-40 रुपयांच्या किमतीत तुम्हाला ऑनलाइन किंवा कुठल्याही जनरल स्टोअर्समध्ये मिळेल. तुम्हाला तुमच्या जवळच्या मित्राला किंवा तुम्ही ज्यांच्यावर प्रेम करता अशा तुमच्या आप्तस्वकियांना तुम्ही ही मल्टिकलर फूलं देऊ शकता. तसेच तुम्ही याचा बूके बनवून सुद्धा देऊ शकता.

रेड पार्टी रोझ फोम फ्लावर (Red Party Rose Foam Flower)

या फुलांची किंमत साधारण ऐंशी ते शंभर रुपये असेल. तुम्ही तुमच्या पार्टनरसाठी या फुलांचे स्पेशल डेकोरेशनही करू शकता. तुम्हाला तुमची बेडरुम सजवायची असेल तर ही फूलं बेस्ट ठरतील. तसेच ती एका दिवसात न कोमेजणारी असल्याने तुम्ही संपूर्ण व्हॅलेंटाइन वीक ती घरात लावून ठेवू शकता. (Valentine Week)

प्लास्टिक आर्टिफिशीअल रोझ फ्लावर (Plastic Artificial Rose Flower)

ही फूलं तुम्हाला 75-80 रुपयांत मार्केटमध्ये मिळतील. ही फूलं सुद्धा दीर्घकाळ टीकणारी आहे. तुम्ही रोझ डे च्या निमित्ताने घराची सजावट करू शकता. तसेच जवळच्या व्यक्तीसही देऊ शकता.