Safe Swimming how protect your eyes while swimming

उन्हाच्या झळा सुरू झाल्या आहेत. यापासून सुटका मिळवण्यासाठी लोक विविध पद्धतींचा वापर करतात. काही लोक कुलर, एसीमध्ये बसून राहतात. तर काही लोक थंड पेये पितात. तर अनेक लोक स्विमिंगला जातात.

उन्हाळ्याच्या हंगामात लोक बऱ्याचदा वॉटर वर्ल्ड आणि स्विमिंग पूल सारख्या ठिकाणी भेट देतात. पण इथे बराच वेळ पाण्यात राहिल्यानंतर लोकांच्या डोळ्यांमध्ये जळजळ होते. अशावेळी डोळ्यांची कशी काळजी घ्यावी हे जाणून घेऊया.

पोहताना डोळ्यांची कशी काळजी घ्यावी

• गॉगल घालावा

पोहताना डोळ्यांचे रक्षण करण्यासाठी सर्वात महत्वाची गोष्ट म्हणजे गॉगल घालणे. गॉगल्समुळे डोळे थेट पाण्याच्या संपर्कात येणार नाही. जर्नल ऑफ ऑप्थॅल्मोलॉजीमध्ये प्रकाशित झालेल्या एका अभ्यासात असे आढळून आले आहे की पोहताना गॉगल घातल्याने जलतरणपटूच्या डोळ्याचे विकार कमी झाले आहे.

• आय ड्रॉप वापरावा

पाण्यातील क्लोरीनमुळे डोळ्यांमध्ये कोरडेपणा आणि जळजळ होऊ शकते. पोहण्याच्या आधी आणि नंतर एक खास आय ड्रॉपचा वापर केला जातो. यामुळे तुमचे डोळे ओलसर होणार नाही आणि संसर्गाचा धोका कमी होईल.

• विश्रांती घ्यावी

पोहतांना अधुनमधून विश्रांती घ्यावी. यामुळे डोळ्यांवर जास्त ताण येणार नाही. संशोधनात असे समोर आले की पोहताना नियमितपणे विश्रांती घेतल्याने डोळ्यांचा थकवा कमी होतो आणि डोळ्यांवर ताण येत नाही. पोहताना प्रत्येक तासाला १० मिनिटांची विश्रांती घ्यावी.

• पोहण्यापूर्वी आंघोळ करावी

पोहण्यापुर्वी शरीराची स्वच्छता करावी. यासाठी स्वच्छ पाण्याने आंघोळ करावी. यामुळे पाण्यातील बॅक्टेरिया कमी होतात.

• डोळे चोळू नका

पोहताना डोळ्यांना खाज किंवा जळजळ होत असेल तर चोळू नका. डोळे चोळल्याने संसर्ग वाढू शकतो.

• डॉक्टरांचा सल्ला घ्यावा

वरील उपाय करून देखील डोळ्यांची जळजळ कमी झाली नाही तर डोळ्यांचा नेत्रतज्ञांचा सल्ला घ्यावा. डोळ्यांवर उशीरा उपचार केल्यास दृष्टी जाऊ शकते. उन्हाळ्यात पोहण्याचा आनंद घ्यायचा असेल तर वरील गोष्टींची काळजी घ्यावी.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.