Sai Baba : शिर्डी येथील साईबाबा मंदिर जगप्रसिद्ध आहे. या मंदिरात देश-विदेशातील लोक साईबाबांचे दर्शन घेऊन आपल्या मनोकामना पूर्ण करण्याच्या आशेने येतात. आज पंतप्रधान नरेंद्र मोदी महाराष्ट्र आणि गोवा एक दिवसीय दौऱ्यावर आहेत. 

या दरम्यान पंतप्रधान मोदी दुपारी 1 वाजता शिर्डीच्या साईबाबा मंदिरात दर्शन आणि पूजा केली. महाराष्ट्रातील शिर्डी तीर्थक्षेत्राला दरवर्षी लाखो लोक भेट देतात.  या मंदिराशी आणि साईबाबांच्या जीवनाशी संबंधित काही चमत्कार खूप प्रसिद्ध आहेत.

शिर्डीच्या साईबाबांचा आणि लोकमान्य बाळगंगाधर टिळक यांच्या भेटीचा एक किस्सा प्रसिद्ध आहे. त्याबद्दल साईभक्त दादासाहेब खापर्डे यांनी तो प्रसंग शब्द संग्रहीत करून ठेवला आहे. त्यानुसार, दादासाहेब खापर्डे व लोकमान्य हे संगमनेर येथील संत वाड्यात थांबले होते.

खापर्डे आपल्या डायरीत लिहितात की, सकाळी 8.30 वाजता वकील संत यांच्या घरी पानसुपारी झाल्यावर आम्ही निघालो.  

सकाळी दहावाजता शिर्डीत पोहचलो. तेथे निवासाची व्यवस्था दीक्षित वाड्यात करण्यात आली होती. त्यावेळी तिथे माधवराव देशपांडे, बापूसाहेब बुट्टी, नारायण पंडित, बाळासाहेब भाटे, बापूसाहेब जोग व इतर नोकर उपस्थित होते.

सर्वजण मशिदीत गेल्यानंतर तेथे साईबाबांना वंदन केले. बाबांना दक्षिणा दिली. सर्वांनी येवल्याला पुढील कामासाठी जाण्याची परवानगी मागितली. त्यावर बाबा म्हणाले, वाटेत उष्म्याने मरायला जावेसे वाटते का? इथे तुम्ही तुमचे जेवण करा. त्यानंतर वातावरणात गारवा वाटू लागल्यानंतर निघा.

बाबांच्या आदेशानंतर माधवराव देशपांडे यांच्या घरी जेवण केले. विश्रांती घेऊन मशिदीत गेलो. बाबा पहुडले होते. ते झोपले असे वाटले. लोकांनी लोकमान्यांना पानसुपारी दिली. मग परत मशिदीत गेलो. बाबांनी उदी दिली. निघण्याची अनुमती दिली. त्यानुसार पुढील प्रवास सुरू केल्याचे नमूद करण्यात आले.

या पुण्य भेटीची साक्ष असलेली शाल

साईबाबा आणि लोकमान्य टिळक यांची भेट झाली. तेव्हा दोघांनीही शाल देऊन एकमेकांचा सत्कार केला. एकमेकांप्रती असलेली भक्ती जाहीर केली. तेव्हा वापरण्यात आलेली शाल आजही तेव्हा वापरण्यात आलेली शाल आजही उपलब्ध आहे. बाबा आणि लोकमान्य यांच्या सत्कारात उपयोगात आणलेली शाल शामा यांच्याकडे देण्यात आली.

 ती शाल पुढच्या पिढीने देवस्थान समितीकडे सुपूर्त केली आहे.