विशिष्ट वयोगटात प्रवेश केला की शरीरात बरेच बदल होत असतात. त्यानुसार शरीराला आवश्यक पोषणाची गरज असते. वाढत्या वयानुसार शरीराची रोगप्रतिकारशक्ती कमी होत असते. अशा वेळी जर का शरीराला योग्य आहार मिळाला तर बरेच आजार तुम्हाला स्पर्श करू शकणार नाही.तसेच मधुमेह आणि हृदयाच्या अनेक गंभीर आजांरापासून तुमचा बचाव होण्यास मदत होईल. (Make Habit of this healthy food diet)

दरवर्षी २१ ऑगस्ट हा दिवस ज्येष्ठ नागरिक म्हणून साजरा केला जातो. त्यानिमित्ताने या वर्गातील लोकांच्या निरोगी प्रकृतीसंदर्भात काही टीप्स जाणून घेऊया. म्हातावयात रोगप्रतिकारशक्ती कमी होत जाते. त्यामुळे वाढत्या वयाच्या आहारात विटॅमिन आणि आयरनयुक्त जेवणाचा समावेश असायला हवा. बीटा कॅरोटीन, विटॅमिन सी, विटॅमिन ई आणि झिंकयुक्त खाद्यपदार्थांमध्ये रोगप्रतिकारशक्ती वाढवण्यासाठी महत्वाचे तत्व असतात. याव्यतिरिक्त फुलगोबी, शिमला मिर्ची, पालक आणि वांगी यांसारख्या भाज्या खाल्ल्याने रोगप्रतिकारशक्ती वाढते.

हे पदार्थ आहेत इम्युनिटी बूस्टर

आहारात केळी, मशरूम आणि ब्रोकली यांसारखे पदार्थ इम्युनिटी वाढवण्यास मदत करतात.

जांभळाच्या बिया, फ्लेक्स सिड्स आणि नट्स आहारात असावे.

ओमेगा ३ युक्त खाद्यपदार्थ खाल्ल्याने अल्जायमर सारख्या रोगाचा धोका कमी होण्यास मदत होते.

या सवयी लावाव्या

म्हातारवयात रोज ८-९ ग्लास पाणी प्यावे. पाणी प्यायल्याने सर्दी किंवा फ्लूचा धोका कमी होतो. पाण्याव्यतिरिक्त सूप, नारळ पाणी, दूध, ग्रीन टी यांसारख्या गोष्टीही तुम्ही आहारात घेऊ शकता. सोडियमयुक्त खाद्य पदार्थ जसे सॉस, आलू चिप्स, क्योर मीट, आणि स्नॅक फूड म्हातारवयात शरीरासाठी चांगले नसतात. त्यांनी कमी मिठाचे खाद्यपदार्थ खावे.