लोकांना उन्हाळ्याच्या सुट्टीत हिल स्टेशनला जायला आवडते. थंड ठिकाण असल्याने उन्हाळ्यात अशा ठिकाणी पर्यटक नक्कीच पोहोचतात. ढगांनी आच्छादलेले पर्वत, हिरवळ आणि सुंदर हवामान कोणालाही वेड लावू शकते. पण इथे कायमचं राहणं सगळ्यांनाच शक्य नाही. ट्रीपवरून परतल्यानंतर आपल्याला अनेक समस्यांना सामोरे जावे लागते, त्यातील एक म्हणजे त्वचा टॅनिंग.

हिल स्टेशनवर सुट्टीचा आनंद लुटताना आपल्या हे लक्षात येत नाही पण घरी परतल्यावर त्वचा काळी पडते. तुमच्यासोबतही असंच होतं का? येथे आम्ही काही घरगुती उपाय सांगणार आहोत ज्याद्वारे तुम्ही टॅनिंगचा प्रभाव कमी करू शकता.

कोरफड

कोरफड त्वचेच्या काळजीमध्ये रामबाण औषधाची भूमिका बजावते. ते त्वचेला हायड्रेट करते आणि ती दुरुस्त करते आणि ग्लोविंग बनवते. जर हात आणि चेहऱ्याची त्वचा काळी पडली असेल तर त्यावर दररोज ऍलोव्हेरा जेलने मालिश करा. जर जास्त टॅनिंग होत असेल तर दिवसातून दोनदा ऍलोव्हेरा जेल लावा आणि आठवडाभर असे करा

हळद

हळद ही त्वचा, केस आणि आरोग्याशी संबंधित समस्यांवर उपाय मानली जाते. यामध्ये अँटी बॅक्टेरियल, अँटी सेप्टिक आणि स्किन टोन सुधारणारे गुणधर्म आहेत. ते थेट त्वचेवर लावण्याऐवजी काही गोष्टी मिसळा. टॅनिंग दूर करण्यासाठी, हळदीमध्ये मलाई मिक्स करून चेहरा आणि हातांच्या त्वचेवर लावा. काही दिवसात तुम्हाला फरक दिसून येईल.

नॅच्युरल क्लिन्झर

त्वचा तजेलदार आणि निरोगी होण्यासाठी त्यावर क्लिन्झरचाही वापर करावा. डीप क्लीनिंगसाठी क्लीन्सर सर्वोत्तम आहे. बटाट्याच्या रसाने तुम्ही घरच्या घरी नैसर्गिक क्लिन्झर बनवू शकता. बटाटा मॅश करून त्याचा रस काढा आणि कापूसने त्वचेवर लावा.

बटाट्यामध्ये असलेले स्टार्च त्वचेला चमकण्यास मदत करते. नॅचरल क्लीन्झरचा वापर आठवड्यातून तीनदा करता येतो.