मुंबई : सध्या राज्यात पाऊस वाढतो आहे. पावसासोबतच जोरदार वारेही वाहात असतात. त्यामुळे बऱ्याचदा छत्र्या तुटतात आणि ऐनवेळी तारांबळ उडते. अशी पंचाईत होऊ नयेत यासाठी काही उपाय जाणीवपूर्वक करणे आवश्यक आहे.

तसेच छत्र्या, रेनकोट वापरून झाल्यानंतरही त्यांची योग्य काळजी घेतल्यास आणखी काही वर्षे त्यांचा वापर करता येऊ शकतो.

१) छत्री किंवा रेनकोट वापरानंतर पूर्णपणे सुकवून मग घडीकरून आत ठेवा. छत्री किंवा रेनकोट ओली राहिल्यास दुर्गंध येऊ शकतो याशिवाय छत्रीच्या दांड्याला गंजही लागतो.

२) वादळ, जोरदार पाऊस आल्यानंतर हवेमुळे छत्र्या तुटतात अशावेळी छत्र्या घट्ट पकडा किंवा जोरदार हवा असल्यास एखाद्या ठिकाणी थांबून थोड्यावेळानं पुन्हा चालायला सुरूवात करा.

३) पाऊस आणि उन्हाळ्यासाठी वेगवेगळ्या छत्र्या असतात. खूप लोक याकडे लक्ष देत नाहीत. जर तुम्ही पावसाळ्यात उन्हाळ्याची छत्री घेऊन गेलात तर लवकर खराब होऊ शकते.

४) रेनकोट धुणं प्रत्येकवेळी शक्य नसतं. ज्या रेनकोट्सच्या टॅगवर वॉशेबल असं लिहिलेलं असतं असे रेनकोट्स तुम्ही डिर्टेजंटमध्ये धुवू शकता. सुरूवातीला अर्धा तास भिजवल्यानंतर रेनकोट पाण्यानं धुआ. मुलांचे रोनकोट विकत घेताना शिलाई व्यवस्थित तपासून मगच घ्या.

५) रोनकोटवर माती लागली असेल तर ती सर्व काढून मग रेनकोट धुवायला घ्या किंवा तुम्ही ओल्या कापडानं पुसून रेनकोट धुऊ शकता.

६) छत्री धुण्यासाठी कोमट पाण्याचा वापर करू शकता. केमिकल क्लिनरचा वापर करू नका. छत्री ठेवण्यासाठी छत्रीची स्वतंत्र बॅग वापरा.