Tea with Snacks : आपल्या देशात चहा पिणाऱ्यांची काही कमी नाही. अनेक जणांच्या दिवसाची सुरूवात ही चहाने होते. चहा शिवाय सकाळ ही गोष्ट काहींसाठी अशक्य आहे. सकाळी आणि संध्याकाळी चहा प्रत्येकाला हवाच असतो. हा चहा पिताना अनेक जण बिस्किट, खारी, टोस्ट किंवा इतर बेकरी प्रॉड्क्ट्स खात असतात.

मात्र, यासोबतच चहासोबत काहीतरी स्नॅक्स किंवा नमकीन खाण्याची देखील कित्येक लोकांना सवय आहे. परंतु, ही सवय अत्यंत चुकीची आहे. आपल्या आरोग्यासाठी चहासोबत असे स्नॅक्स खाणे हे धोकादायक ठरू शकते. कारण, यामुळे अनेक समस्यांना आमंत्रण मिळते. आज आपण चहासोबत स्नॅक्स खाण्याचे कोणते दुष्पपरिणाम आहेत? ते जाणून घेणार आहोत.

पित्ताची समस्या

चहासोबत खाल्ल्या जाणाऱ्या अनेक खाद्यपदार्थांमध्ये सुकामेव्याचा वापर केला जातो. उदा. चहासोबत फरसाण किंवा चिवडा खाण्याची अनेकांना सवय असते.

या चिवड्यामध्ये सुकामेव्याचा समावेश असतो आणि चहासोबत असे ड्रायफ्रूट्स चुकूनही खाऊ नये. जर तुम्ही चहासोबत असे नमकिन्स आणि सुकामेवा खाल्ला तर तुम्हाला पित्ताची समस्या निर्माण होऊ शकते.

पोटदुखी

चहासोबत विविध प्रकारचे स्नॅक्स खाल्ले जातात. या स्नॅक्समध्ये बेसनापासून बनवलेल्या पदार्थांचा समावेश होतो. या पदार्थांमध्ये खारट गोष्टींचा समावेश असतो. हे खारट पदार्थ चहासोबत खाल्ल्यामुळे पचनाची समस्या निर्माण होऊ शकते किंवा पोटदुखीची समस्या देखील निर्माण होऊ शकते. त्यामुळे, चहासोबत असे नमकिन खाण्याची सवय आजच सोडा.

अपचनाची समस्या

चहासोबत विविध प्रकारचे तिखट-खारट पदार्थ खाल्ले जातात. हे पदार्थ चहासोबत खाणे हे आपल्या आरोग्याला चांगले बाधू शकते. यामुळे, काहींना अपचनाची समस्या उद्भवण्याचा धोका निर्माण होऊ शकतो.

तसेच, या चहासोबत खाल्ल्या जाणाऱ्या स्नॅक्समध्ये आंबट-गोड पदार्थांचा ही समावेश होतो. असे आबंट-गोड पदार्थ चहासोबत न खाण्याचा सल्ला दिला जातो. कारण, यामुळे अपचनाची समस्या आणि पोटात गॅसेसची समस्या निर्माण होऊ शकते. त्यामुळे, वेळीच सावध व्हा आणि चहासोबत हे स्नॅक्स खाण्याची सवय आजचा सोडा.