Micellar Water for Skin : ऑफिससाठी घराबाहेर पडताना किंवा काही कामानिमित्त घराबाहेर पडताना चेहऱ्यावर धूळ, प्रदूषण, सूर्याची अतिनील किरणे यांचा प्रभाव पडतो. घराबाहेर पडताना चेहऱ्यावर थोडाफार मेकअप ही केला जातो.

त्यामुळे, घरी आल्यानंतर चेहरा नीट स्वच्छ करणे हे महत्वाचे ठरते. अशावेळी मग फक्त फेसवॉश केला म्हणजे चेहरा नीट स्वच्छ झाला असे होत नाही.

आजकाल महिलांमध्ये आणि विशेषत: तरूणींमध्ये चेहरा चांगल्या प्रकारे स्वच्छ करण्यासाठी मिस्लर वॉटरचा वापर करण्याचे प्रमाण वाढले आहे. हे मिस्लर वॉटर पाणी, मॉईश्चरायझर आणि काही लाईटवेट घटकांपासून बनवलेले असते.

या पाण्याचा वापर केल्याने त्वचा चांगल्या प्रकारे स्वच्छ होते. आज आपण या मिस्लर वॉटरचे त्वचेला होणारे फायदे जाणून घेणार आहोत.

मिस्लर वॉटरचे त्वचेला होणारे फायदे खालीलप्रमाणे :

त्वचा चांगल्या प्रकारे स्वच्छ करते

ज्यांची त्वचा तेलकट आहे, अशा महिलांसाठी हे मिस्लर वॉटर अतिशय फायदेशीर आहे. त्यामुळे, ज्यांची त्वचा तेलकट आहे, त्यांनी या मिस्लर वॉटरचा त्यांच्या स्किनकेअर रूटीनमध्ये अवश्य समावेश करावा.

या पाण्याचा वापर केल्याने त्वचा चांगल्या प्रकारे स्वच्छ होते. या पाण्यामुळे, त्वचा जास्त कोरडी पडत नाही आणि त्वचेवर कोणत्याही प्रकारचे साईड इफेक्ट्स होत नाहीत.

त्वचा होते सॉफ्ट

मिस्लर वॉटर हे नेहमीच्या फेशिअल क्लिंजरच्या तुलनेत त्वचेसाठी अधिक चांगले आहे. हे माईल्ड असल्यामुळे, त्वचेला कोणत्याही प्रकारचा त्रास होत नाही. शिवाय, या पाण्याचा वापर केल्याने त्वचेतील प्रमाणापेक्षा जास्त असलेले तेल निघून जात नाही.

त्यामुळे, त्वचा जास्त कोरडी पडत नाही. उलट त्वचा अधिक सॉफ्ट होते. या पाण्यात असलेल्या ग्लिसरीनमुळे त्वचा हायड्रेटेड राहण्यास मदत होते.

मेकअप काढण्यासाठी आहे फायदेशीर

मिस्लर वॉटरचा वापर हा मेकअप काढण्यासाठी खास करून केला जातो. या पाण्यामुळे, चेहऱ्यावरील धूळ, प्रदूषण, धूलिकण, मेकअप इत्यादी अनेक प्रकारच्या Impurities निघून जाण्यास मदत होते. शिवाय, चेहरा चांगल्या प्रकारे स्वच्छ होतो.

तसेच, मेकअपमधील अतिरिक्त रसायानांचा प्रभाव ही चेहऱ्यावर राहत नाही. त्यामुळे, अनेक महिला या पाण्याचा वापर मेकअप काढून टाकण्यासाठी देखील करतात.