आपला चेहरा सुंदर आणि आकर्षक दिसावा हे प्रत्येकालाच वाटते. चेहऱ्यावर पिंपल्स, पुरळ आल्यावर आपण लगेच त्यावर उपाय करतो. फेस पॅक किंवा इतर स्किनकेअर प्रॉडक्टची आपण मदत घेतो.

मात्र, चेहऱ्यावर फॅट्स आणि डबल चिन वाढली की यावर काय उपाय करता येईल ? असा प्रश्न अनेकांना पडतो. मागील काही वर्षांमध्ये चेहऱ्यावर फॅट्सचे प्रमाण वाढले आहे. महिलांसोबत पुरुषांमध्ये ही समस्या दिसून येत आहे.

चेहऱ्यावरील हे फॅट्स आणि वाढलेली डबल चिन कमी करण्यासाठी आज आम्ही तुम्हाला काही व्यायाम प्रकार सांगणार आहोत. हे व्यायाम प्रकार केल्यामुळे तुमच्या चेहऱ्यावरील डबल चिन आणि फॅट्स कमी होण्यास नक्कीच मदत मिळू शकेल.

फिश पोझ

या व्यायाम प्रकारचे नाव फिश पोझ असे आहे. फिश पोझ एक्सरसाईज हा एक उत्तम फेस एक्सरसाईज आहे. हा व्यायाम केल्यामुळे आपल्या गालांची हाडे हायलाईट करण्यास मदत होते.

या व्यायाम प्रकारामुळे गालांवर जमा झालेली चरबी कमी होण्यास मदत मिळेल. दुसरे म्हणजे या व्यायामामुळे गालांची चरबी कमी होऊन चेहऱ्याला छान आकार मिळू शकेल.

अशा पद्धतीने करा हा फिश पोझ एक्सरसाईज

• सर्वात आधी तुमच्या चेहऱ्यावरील मसल्स रिलॅक्स होऊ द्या.

• त्यानंतर आता तुमचे दोन्ही गाल माशाच्या तोंडाप्रमाणे आत घ्या.

• तुम्हाला जितके शक्य असेल तितके गाल आत घेण्याचा प्रयत्न करा.

• आता तुमच्या चेहऱ्याचा आकार फिश पोझसारखा दिसेल.

• आता या स्थितीमध्ये ३ सेकंदांपर्यंत राहण्याचा प्रयत्न करा.

• हा व्यायाम प्रकार तुम्ही दिवसातून ३ वेळा करण्याचा प्रयत्न करा.

सिंह मुद्रा

आजकाल चेहऱ्यावर डबल चिन येण्याची समस्या वाढली आहे. डबल चिन म्हणजे गालावर जास्तीचे फॅट्स जमा झाल्यामुळे गालांजवळ पडलेली घडी होयं. पुरूष आणि स्त्रियांमध्ये डबल चिनची समस्या दिवसेंदिवस वाढत चालली आहे. हा व्यायाम प्रकार केल्यामुळे चेहऱ्यावरील डबल चिन कमी होण्यास मदत मिळते. चेहऱ्याला छान आकार मिळण्यास मदत होते.

अशा पद्धतीने करा सिंह मुद्रा

• या व्यायाम प्रकारामध्ये सिंहाच्या जबड्याप्रमाणे तुमच्या चेहऱ्याची स्थिती ठेवायची असते.

• यासाठी सर्वात आधी तुमची जीभ बाहेर काढा.

• त्यानंतर, तुमचा जबडा जितका तुम्हाला मोठा करता येईल तितका करण्याचा प्रयत्न करा.

• आता, तुमच्या चेहऱ्याचा आकार सिंहाच्या जबड्याप्रमाणे झाल्यासारखा दिसेल.

• आता, या स्थितीमध्ये तुम्हाला तुमची नजर स्थिर ठेवावी लागेल.

• या पोझमध्ये ३०-४० सेकंद थांबण्याचा प्रयत्न करा.

• हा व्यायाम प्रकार केल्यामुळे डबल चिन कमी होते. तसेच, चेहऱ्याच्या मसल्सना चांगल्या प्रकारे ताण बसतो.