Spinach face packs for skin : देशभरात आता कडाक्याच्या थंडीला सुरूवात झाली आहे. या थंडीच्या दिवसांमध्ये आहारासोबतच त्वचेची आणि केसांची देखील खास काळजी घ्यावी लागते. हिवाळ्यामध्ये पालक ही पालेभाजी मार्केटमध्ये सहज उपलब्ध होते.

पालकची भाजी ही आरोग्यासाठी आणि त्वचेसाठी अतिशय फायदेशीर मानली जाते. थंडीमध्ये पालकचे सेवन करणे आपल्या आरोग्यासाठी लाभदायी असते. पालकमध्ये मोठ्या प्रमाणात पोषकघटकांचा समावेश आढळून येते. त्यामुळे, आरोग्यासोबतच पालकचे त्वचेसाठी देखील अनेक फायदे आहेत.

पालकमुळे त्वचेच्या अनेक समस्या दूर होण्यास मदत होते. थंडीमध्ये त्वचा अनेकदा कोरडी पडते. ही समस्या दूर करण्यासाठी तुम्ही पालकची मदत घेऊ शकता आणि पालकचा फेसपॅक त्वचेवर लावू शकता. चला तर मग जाणून घेऊयात त्वचेसाठी फायदेशीर असणाऱ्या पालकचे फेसपॅक्स कोणते ?

पालक आणि दूध

पालकची काही पाने घ्या. ती स्वच्छ धुवा आणि मिक्सरमध्ये त्या पानांची बारीक पेस्ट तयार करा. आता या पेस्टमध्ये २ चमचे दूध आणि १ चमचा मध मिसळा. आता हे संपूर्ण मिश्रण एकत्र करा, तुमचा फेसपॅक तयार आहे. हा फेसपॅक चेहऱ्यावर १५ मिनिटे लावा आणि नंतर चेहरा धुवून टाका. या फेसपॅकमुळे त्वचा हायड्रेट राहण्यास मदत मिळेल आणि त्वचेवर छान ग्लो येईल.

पालक, हळद आणि चंदन

हा फेसपॅक तयार करण्यासाठी पालकाची काही पाने धुवून घ्या. ही पाने मिक्सरमधये बारीक करा त्याची छान पेस्ट तयार करा. या पेस्टमध्ये १ चमचा हळद आणि चंदन मिसळा आता तुमचा फेसपॅक तयार आहे. हा फेसपॅक चेहऱ्यावर १५ मिनिटे ठेवा. त्यानंतर, चेहरा धुवा. या फेसपॅकमुळे पुरळांची आणि काळ्या डागांची समस्या दूर होण्यास मदत होऊ शकेल.

पालक आणि बेसन

पालकची ४-५ पाने धुवून घ्या. या पानांची बारीक पेस्ट तयार करा. या पेस्टमध्ये २ चमचे बेसन, १ चमचा लिंबाचा रस आणि २ चमचे मध आणि चिमूटभर हळद त्यात मिसळा. हे सर्व मिश्रण व्यवस्थित एकत्र करा आणि चेहऱ्यावर १५-२० मिनिटांसाठी हा फेस पॅक लावा. त्यानंतर, कोमट पाण्याने चेहरा धुवा. या फेसपॅकमुळे चेहऱ्यावर ग्लो येण्यास मदत होईल आणि चेहरा हायड्रेटेड राहिल.