थंडी अचानक वाढलीय ना? मग थंडीत असं वेगळं काय घालून तुम्हाला कॉलेजात हवा करता येईल? मुलांनो, थंडीत कूल दिसण्यासाठी लय भारी टिप्स मी तुम्हाला देणार आहे. लेदर जॅकेट, हुडीज, प्रिंटेड जॅकेट, कॅप, मफलर हे पर्याय तुम्ही ट्राय करतच असाल. पण, आता ट्रॅक सूट घालून तुम्ही इतरांपेक्षा हटके दिसू शकता. गेल्या काही दिवसांपासून चांगलीच थंडी जाणवत आहे. या थंडीपासून बचावासोबत छान दिसणंही तितकंच महत्त्वाचं आहे. अनेकदा आपण दररोज काय नवीन घालायचं या विचारानं हैराण होतो.

ताज्या बातम्यांसाठी डाऊनलोड करा ई-सकाळचे ऍप

आजकाल हुडचा (झिपर) पर्याय अधिक वापरला जात आहे. हुडीजबरोबर तुम्ही ट्रॅक पॅन्ट घातल्यास ते कॉम्बिनेशन छान दिसेल. अनेकदा रणवीर सिंग, वरुण धवन हा ट्रेन्ड फॉलो करतात. वेगवेगळ्या प्रकारचे फंकी ट्रॅक सूट सध्या ऑनलाइन उपलब्ध आहेत. स्लिम फिट कॉटनमधील ट्रॅकसूट भारी दिसतात. यात ॲनिमल प्रिंट, चेक्स सॉलिड दिसतात. तुम्ही डिस्कोमध्ये जा किंवा कॉलेजात तुमचं व्यक्तिमत्त्व इतरांपेक्षा वेगळ दिसंलच यात शंका नाही. 

हे ट्राय करा
  कॉलेजमध्ये किंवा पार्टीसाठी वापरू शकता. 
  स्निकर्स किंवा स्पोर्ट शूज वापरा.  
  यावर कॅप, गळ्यात चेन, गॉगल आदी ॲक्सेसरीज घालायला विसरू नका. 
  केस स्पाईक केल्यास या लूकवर छान दिसतील.
  फॅनी पॅक यावरही मॅच होऊ शकते.