प्रत्येक सकाळ आपल्यासोबत एक नवी ऊर्जा घेऊन येते. सकाळी उठल्यावरचा पहिला तास तुम्हाला दिवसभर ऊर्जा देतो. अनेक जण सकाळी उठल्याबरोबर मोबाईल वापरायला सुरुवात करतात. तुम्हीही असे करत असाल तर ते अनेक आजारांना आमंत्रण देत आहे.

तज्ञांनी दिवसाच्या पहिल्या तासात मेसेज वाचण्यास आणि मोबाईल फोन ऑपरेट करण्यास मनाई देखील केली आहे. असे का होते? सकाळी उठल्याबरोबर मोबाईल वापरण्यास मनाई का आहे? यामागचे कारण आज जाणून घेऊया.

हेही वाचा : कंपन्यांचे मुल्यांकन लक्षात घेऊन केलेली गुंतवणूक ठरेल फायदेशीर

तणाव वाढतो :

सकाळी कोर्टिसोल हार्मोनची पातळी कमी होते. कॉर्टिसोल हा तणाव संप्रेरक आहे. म्हणूनच सकाळी उठल्यानंतर तुम्हाला फ्रेश वाटते. पण, सकाळी उठल्याबरोबर मोबाईल दिसला तर त्याच्यासोबत अनावश्यक ताण येतो. हे शरीर आणि मेंदूच्या प्रक्रियांमध्ये मोबाईलचा अडथळा येतो.

डोके आणि मान दुखणे :

सकळी उठल्या उठल्या मोबाईलचा भरपूर वापर होतो आणि त्याच स्थितीत बराच वेळ बसून काम करतात. त्यामुळे डोके आणि मान दुखण्याची शक्यता वाढते. 20 ते 40 वयोगटातील व्यावसायिक लोकांमध्ये मणक्याशी संबंधित समस्या अधिक दिसून येत आहे.

दीर्घकाळ मोबाईल वापरल्याने मणक्यावर दबाव येतो. यामुळे तुमच्या लिगामेंटवर त्याचा परिणाम होतो. अशा परिस्थितीत, स्नायू आणि डिस्कच्या समस्यांचा धोका वाढतो. असे बरेच लोक आहेत ज्यांचे वय 40 वर्षांपेक्षा कमी आहे, परंतु त्यांना मणक्याच्या समस्या आहेत.

या उपायांचे पालन करा :

• मोबाईल बेडरूमच्या बाहेर ठेवण्याचा प्रयत्न करा.

• नाश्त्याच्या टेबलावर मोबाईल अजिबात वापरू नका.

• रात्री फोनचे इंटरनेट बंद करून झोपा.

• सकाळी सर्वप्रथम इंटरनेट उघडणे टाळा. दिवसाच्या पहिल्या तासात ते चालू न ठेवण्याचा प्रयत्न करा.

• तुमच्या मित्रांना आणि नातेवाईकांनाही समजावून सांगा की, सकाळी कोणताही महत्त्वाचा संदेश पाठवू नका.

• या नियमांचे काटेकोरपणे पालन करा.