Winter Hair Fall Home Remedies : ऋतूत बदल झाला की, केस गळण्याची समस्यापण वाढते. बऱ्याच जणांची हिवाळ्यात केस गळण्याची समस्या वाढते असे निदर्शनास येतं. यामागे वातवरण बदलामुळे केसांची नीट निगा न घेतल्यामुळे या समस्येत वाढ होते. जर या काळात केसांची निगा राखली नाही तर उन्हाळ्यापर्यंत डोक्यावर निम्मेच केस उरतील.
केस गळणे कमी करण्यासाठी उपाय
खूप गरम पाणी वापरू नका
हिवाळ्यात गार पाण्याने आंघोळ करणं अवघड होतं. पण फार गरम पाण्याने केस धुतले तर ते केसांसाठी चांगलं नसतं. त्यामुळे फार गरम पाण्याने केस धुवू नका, फार वेळ गरम पाण्याचं शॉवर केसांवर घेऊ नका. यामुळे केस डॅमेज होतात.
तेल लावणं
हिवाळ्यात कोमत तेलाने केसांना मसाज करावा. केस धुण्याच्या आदल्या रात्री तेल लावावे. त्यामुळे गरम पाण्याने केसांना कमी हानी पोहचेल. आणि केस हेल्दी राहतील.
मास्क
केसांवर आठवड्यातून एकदा हेअर मास्क लावावा. हे केसांना गमावलेलं प्रोटीन आणि पोषक तत्व देतात. अंडं, दही आणि मधाचा मास्क केसांना लावावा किंवा केस धुण्या आधी १५ मिनीटं अॅलोवेरा जेल लावावं.
आवळा
आवळा फक्त केसांना लावणेच नाही तर खाल्ल्यानेही फायदे मिळतात. यामुळे केस गळणं मुळात थांबवण्यास मदत करतं. हिवाळ्यात आवळ्याचा मुरंबा पण आरोग्यास चांगला ठरतो.
तूप
हिवाळ्यात रोज तूप खावं. केसांना तूपाने मालिश करावी. आयुर्वेदानुसार रात्री पायाला तूप चोळणं केस गळण्यावर गुणकारी ठरू शकतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.