मुंबई : तंदुरुस्त आणि निरोगी राहण्यासाठी आपण वर्कआउट करतो. चांगल्या परिणामासाठी आपण व्यायामादरम्यान विविध उपकरणे वापरतो. यापैकी एक व्यायामाचा बॉल (exercise ball) आहे. व्यायामाच्या बॉलने आपण स्ट्रेंथ-ट्रेनिंग किंवा स्ट्रेचिंग करतो.

आजच्या काळात, हे एक्जरसाइज बॉल केवळ जिम किंवा फिटनेस सेंटरमध्येच वापरले जात नाहीत तर लोक त्यांच्या घरीदेखील ते वापरतात. हे घरगुती वर्कआउट्ससाठी देखील एक उत्कृष्ट उपकरण मानले गेले आहे. या बॉलचे अनेक फायदे आहेत यात शंका नाही. पण हे फायदे तेव्हाच मिळतात जेव्हा तुम्ही त्याचा योग्य वापर करता.

अनेकदा, हा बॉल वापरताना आपण काही छोट्या चुका करतो ज्यामुळे आपल्याला खरोखर मिळायला हवा तो फायदा मिळत नाही. या चुका कोणत्या ते पाहू या. हेही वाचा - जोखीममुक्त व्यवहारांसाठी रिझर्व बँकेचा 'डिजिटल रुपया'

चुकीच्या आकाराचा बॉल निवडणे

हे पहिले आणि सर्वात महत्त्वाचे पाऊल आहे ज्याची काळजी घेणे आवश्यक आहे. कधीकधी आपण खूप लहान किंवा खूप मोठा चेंडू निवडतो. यामुळे आपल्या व्यायामामध्ये समस्या उद्भवू शकतात किंवा व्यायाम आणि स्ट्रेचिंगचा प्रभाव कमी होऊ शकतो.

सर्व एक्जरसाइज बॉल समान आकाराचे नसतात. साधारणपणे, बाजारात तीन आकाराचे बॉल उपलब्ध आहेत. तसेच, बॉल योग्य प्रमाणात हवेने भरलेला आहे याची खात्री करा.

सतत अडखळणे

एक्जरसाइज बॉल वापरताना थोडे अस्थिर वाटणे सामान्य आहे. पण जर तुम्ही सतत अडखळत असाल तर हा बॉल वापरणे टाळा. असे केल्याने, तुम्ही तुमची कसरत नीट करू शकणार नाही व त्यामुळे दुखापत होण्याची शक्यताही वाढते.

म्हणून, जेव्हा तुम्ही बॉल वापरत असाल, तेव्हा प्रथम स्वतःला थोडे स्थिर करण्याचा प्रयत्न करा. यानंतर तुम्ही संथ गतीने पुढे जा.

एकाधिक उपकरणे वापरणे

अनेकदा, एक्जरसाइज बॉल वापरताना, तो अधिक प्रभावी होण्यासाठी आपण डंबेल वगैरे वापरतो. सुरुवातीला असे करणे टाळा. जेव्हा तुम्ही असे करता, तेव्हा तुम्ही स्वतःला गंभीरपणे इजा पोहोचवू शकता. त्यामुळे आधी बॉल्यावर स्वतःचा समतोल साधण्याची कला शिका.

चुकीचे तंत्र वापरणे

कोणताही व्यायाम करताना योग्य तंत्राचा अवलंब करणे अत्यंत आवश्यक आहे. हाच नियम एक्जरसाइज बॉलवरही लागू होतो. जेव्हा तुम्ही चुकीच्या पोश्चरने वर्कआउट करता किंवा चुकीच्या पद्धतीने बॉलचा व्यायाम करता, तेव्हा त्याचा स्नायूंवर हवा तसा परिणाम होत नाही.

यामुळे दुखापतीचा धोकादेखील वाढतो. म्हणूनच, हे महत्वाचे आहे की तुम्ही प्रथम ट्रेनर किंवा व्हिडिओच्या मदतीने बॉलसह वर्कआउट करण्याचे तंत्र शिकून घ्या आणि त्यानंतरच तुम्ही व्यायाम करा.