Yoga Tips: चिंता आणि नैराश्य जाणवू लागते. याशिवाय एकाकीपणा आणि उदासपणामुळे देखील मूड बदलू शकतो. अनियमित खाण्याच्या सवयी, नियमित व्यायामाचा अभाव, निद्रानाश यामुळे मेंदूला थकवा जाणवू लागतो. त्यामुळे तणाव आणि चिंता वाढून नैराश्य येऊ शकते. तणाव कमी करण्यासाठी कोणत्या योगासनांचा सराव करावा हे जाणून घेऊया.  

मार्जरासन

तणाव कमी करण्यासाठी तुम्ही मार्जरी योगाचा सराव करू शकता. या आसनामुळे श्वासोच्छवासावर नियंत्रण येते. यामुळे मनाला शांती मिळते. मार्जरासनाच्या 10 मिनिटांच्या नियमित सरावाने तणावमुक्त होऊ शकता. 

मार्जारासन कसे करावे

मार्जारासन करण्यासाठी सर्वात आधी सपाट जागेवर खाली सरळ बसावे. नंतर दोन्ही गुडघे पुढे नेऊन गुडघ्यांवर बसावे.

नंतर दोन्ही हात गुडघ्याच्या पुढे न्या आणि खाली टेकवा.

त्यानंतर दोन्ही हातांच्या मनगटांवर भार टाकत नितंबाचा भाग वर आणायचा प्रयत्न करा.

दोन्ही मांड्यावरच्या बाजूला नेत सरळ रेषेत आणण्याचा प्रयत्न करा.

या मुद्रेमध्ये तुमच्या छातीचा भाग जमिनिला समांतर असेल,समोरून पाहणाऱ्याला तुम्ही मांजरीच्या पोझमध्ये दिसाल.

नंतर मोठा श्वास घ्या आणि डोक्याचा भाग मागच्या बाजूला आणा. यानंतर पाठीचा कणाच्या शेवटचा भाग वर आणण्याचा प्रयत्न करा.

आता श्वास सोडताना डोके खाली नेऊन तोंडाखालच्या हनुवटीने छातीला स्पर्श करा.

सुखासन

तणाव कमी करण्यासाठी सुखासन करणे फायदेशीर ठरू शकते. तुम्ही सुमारे 10 मिनिटे सुखासनाचा सराव करू शकता. हा योग मनाला शांत ठेवतो. यामुळे तणाव कमी होण्यास मदत होते. सुखासनाच्या सरावानेही रक्ताभिसरण सुधारता येते. सुखासन करण्यापुर्वी पोट साफ असले पाहिजे.

बालासन

बालासन केल्याने तणाव कमी करण्यास मदत होते. बालसनामुळे केवळ मानसिक ताण कमी होत नाही तर शारीरिक ताणही कमी होतो. बालसनाचा सराव केल्याने शरीर ताणले जाते आणि मूड सुधारतो. तसेच तणावाची पातळी कमी होऊ शकते. 

बालासन कसे करावे

सर्वात आधी जमिनिवर गुडघ्याच्या सहाय्यावर बसावे.

दोन्ही पायाची तळवे आणि टाचांना एकत्रित आणा

हळूहळू आपले गुडघे शक्य तितके पसरवा.

दीर्घ श्वास घ्या आणि पुढे झुका.

दोन्ही मांड्यांच्या मध्ये पोट घ्या आणि श्वास सोडा.

कंबरेच्या मागच्या बाजूवर जास्त ताण देऊ नका.