Lok Sabha Elections 2024:

राष्ट्रीय स्वयंसेवक संघाचे कौतुक केल्यानंतर आता दिग्विजय सिंह उत्तर प्रदेशचे मुख्यमंत्री योगी आदित्यनाथ यांचेही कौतुक केले आहे. योगी आदित्यनाथ हे प्रामाणिक प्रतिमेचे नेते असल्याचे दिग्विजय सिंह यांनी म्हटले आहे. उत्तर प्रदेशच्या महारजगंज लोकसभा मतदारसंघात प्रचार करताना दिग्विजय सिंह यांनी योगींचे कौतुक केले.

मुख्यमंत्री योगी आदित्यनाथ यांचा भ्रष्ट मोदी कुटुंबात समावेश करु नये. ते प्रामाणिक नेते आहेत. भाजप बुलडोझर संस्कृतीचे पालनपोषण करणारे आहेत. त्यांनी मंदिरे पाडल्याचा आरोप दिग्विजय सिंह यांनी केली.

काँग्रेस कधीच मंदिरांवर बुलडोझर फिरवत नाही हे सर्वांनाच माहीत आहे. मात्र वाराणसी आणि गुजरातच्या मंदिरांवर भाजपने बुलडोझर चालवला. खोट्याचा कारखाना चालवणारे नरेंद्र मोदी भाजपकडे अशी वॉशिंग मशीन असल्याचे सांगतात, अशी टीका देखील दिग्विजय सिंह यांनी केली आहे.

दिग्विजय सिंह म्हणाले, भाजपचे डबल इंजिन सरकार शेतकऱ्यांना पायदळी तुडवत आहे. भाजपला संविधान बदलायचे आहे. त्यांनी शेतकऱ्यांचे कर्ज माफ केले नाही. मात्र आपल्या उद्योगपती मित्रांचे लाखो कोटी रुपये माफ केले. त्यामुळे महागाई वाढली असून त्याचा थेट फटका सर्वसामान्यांना बसत आहे.

दिग्विजय सिंह निवडणूक प्रचारासाठी उत्तर प्रदेशच्या महाराजगंज लोकसभा मतदारसंघात गेले होते.  त्यांनी काँग्रेस उमेदवार वीरेंद्र चौधरी यांच्या समर्थनार्थ प्रचार केला. याआधी काँग्रेस नेत्याने लखनऊमध्ये पत्रकार परिषदेत संघ परिवाराचेही कौतुक केले होते आणि संघ परिवाराच्या प्रामाणिकपणावर शंका नाही पण मोदी परिवाराच्या प्रामाणिकपणाबद्दल सर्वांनाच माहिती असल्याचे त्यांनी म्हटले होते.