पिंपरी/तळेगाव दाभाडे : ‘‘गेल्या दहा वर्षांत पंतप्रधान नरेंद्र मोदी यांच्यामुळे देशाची प्रगती झाली. तेच देशाचा विकास करू शकतात. म्हणून आम्ही त्यांच्यासोबत गेलो. पण विरोधक अपप्रचार करत आहेत,’’ असा आरोप उपमुख्यमंत्री अजित पवार यांनी गुरुवारी (ता. ९) केला. ‘चांगल्याला चांगलं म्हणण्याची दानत दाखवा,’ असा टोलाही त्यांनी विरोधकांना मारला.

महायुतीचे शिवसेनेचे मावळ लोकसभा मतदारसंघातील उमेदवार श्रीरंग आप्पा बारणे यांच्या प्रचारासाठी पिंपरीत आयोजित सभेत पवार बोलत होते. उद्योगमंत्री उदय सामंत, आमदार अण्णा बनसोडे, उमा खापरे, अश्विनी जगताप आदी उपस्थित होते. कामशेत येथील सभेत आमदार सुनील शेळके, माजी राज्यमंत्री बाळा भेगडे, गणेश खांडगे, बबनराव भेगडे उपस्थित होते. म्हणून उठाव केला : सामंत

राज्याला विकासात्मक दिशा देण्यासाठी आम्ही उठाव केला व भाजपसोबत आलो. तेव्हाचे मुख्यमंत्री घरात बसून होते. आमचे मुख्यमंत्री विकासासाठी फिरत आहेत, असे उद्योगमंत्री उदय सामंत यांनी स्पष्ट केले. ’’