कोलकाता : भारताच्या स्वातंत्र लढ्यातील प्रमुख नेते नेताजी सुभाषचंद्र बोस यांचे पणतू चंद्रकुमार बोस यांनी नुकताच आपला मतदानाचा हक्क बजावला. यामध्ये त्यांच्या मतदारसंघातील मतदार हे सुज्ञ मतदार असून ते जाती-जातीत भांडणं लावणाऱ्या राजकारणाविरोधात मतांद्वारे लढा देतील, असं बोस यांनी म्हटलं आहे. (Chandrakumar Bose Netaji Subhash Chandra Bose great grandson cast his vote and said people will support inclusive secularism)

चंद्रकुमार बोस यांनी आपल्या पत्नीसह दक्षिण कोलकाता मतदारसंघात आपला मतदानाचा हक्क बजावला. मतदान करुन केंद्राबाहेर पडल्यानतंर माध्यमांनी त्यांना बोलतं केलं. त्यावेळी बोस म्हणाले, मला वाटतं ही सर्वात महत्वाची लोकसभा निवडणूक आहे. दक्षिण कोलकाता हा खूपच पुरोगामी आणि सर्वसमावेशक मतदारसंघ आहे.

मला वाटतं दक्षिण कोलकात्यातील लोक हे जातीजातींमध्ये भांडण लावणाऱ्या राजकारणाविरोधात लढा देतील. इथले मतदार विकसाला प्राधान्य देणाऱ्या उमदेवाराला निवडतील आणि ते सर्वसमावेशक धर्मनिरपेक्षतेला पाठिंबा देतील.