मुंबई : ‘‘मनसेचे अध्यक्ष राज ठाकरे यांच्यासमवेत बैठका झाल्या, हे खरे आहे. मात्र अद्याप त्यासंबंधातील चर्चा पुढे जाऊ शकलेली नाही,’’ अशी कबुली उपमुख्यमंत्री देवेंद्र फडणवीस शनिवारी दिली.

पत्रकारांशी बोलताना ते म्हणाले,‘‘धाराशिव कुणी लढावे हा निर्णय आम्ही तेथील नेत्यांवरच सोडून दिला आहे. जित आणि एकनाथ शिंदे यांच्‍याशी मी चर्चा केली आहे. चार ते पाच जागांचा निर्णय अद्याप प्रलंबित आहे.एखाद्या जागेचा निर्णय घेण्यासाठी विचार करायचा असेल तर त्या आजूबाजूच्या तीन जागा प्रलंबित राहतात.

‘‘भाजपमध्ये कुणी प्रवेश करणार असेल तर ते अत्यंत शांतपणे होते. माध्यमात चर्चा झाली तर ते घडत नाही,’’ असेही त्यांनी सांगितले विरोधी पक्षनेते अंबादास दानवे महायुतीत प्रवेश करणार असल्याच्या चर्चा अफवा आहेत. त्यांना अडचणीत आणू नका असे फडणवीस यांनी स्पष्ट केले.