Loksabha election 2024 : लोकसभा निवडणुकीच्या पार्श्वभूमीवर आणि मतदानाच्या तिसऱ्या टप्प्यासाठी देशाचे पंतप्रधान नरेंद्र मोदी पुन्हा महाराष्ट्र दौऱ्यावर येत आहेत. दोन दिवसांमध्ये मोदींच्या तब्बल सहा सभा होणार आहेत.

२९ आणि ३० एप्रिल दोन दिवसांमध्ये पंतप्रधानांच्या सहा सभा होणार आहेत. ⁠२९ एप्रिलला तीन तर ३० एप्रिलला तीन सभा होतील. ⁠२९ एप्रिल रोजी सकाळी ११ वाजता सोलापूर शहरात पहिली सभा होईल. त्यानतंर ⁠कराडमध्ये दुपारी एक वाजता दुसरी सभा होईल. संध्याकाळी सहा वाजता पुण्यामध्ये तिसरी सभा होणार आहे.

पुण्यातील सभेनंतर पंतप्रधान मोदी पुण्यातच मुक्कामी थांबणार आहेत. राजभवन येथे मोदींचा मुक्कामी असेल. दुसऱ्या दिवशी ३० एप्रिल रोजी सकाळी ११ वाजता माळशिरस येथे पहिली सभा होईल. त्यानतंर लातूरमध्ये दुपारी एक वाजता सभा होणार आहे असून मोदींची राज्यातील शेवटची सभा धाराशिव येथे चार वाजता होईल.

पंतप्रधान नरेंद्र मोदींच्या सभेकडे राज्याचं लक्ष लागून राहिलेलं आहे. मालमत्ता, मंगळसूत्र, राम मंदिर या मुद्द्यांवर सध्या पंतप्रधानांच्या सभा गाजत आहेत. महाराष्ट्रात मोदी आणखी कोणते नवीन मुद्दे उपस्थित करतात, हे पाहाणं महत्त्वाचं आहे.