नवी दिल्लीः लोकसभा निवडणुकीच्या सर्वपक्षीय प्रचाराचा रथ भरकटला असून सामान्यांचे जिव्हाळ्याचे प्रश्न आणि विकासाचे मुद्दे मागे पडत चालले आहेत.

‘अब की बार चार सौ पार’ची घोषणा देणाऱ्या भाजपने ध्रुवीकरणाचा हुक्मी एक्का काढल्यानंतर विरोधकांनीही सत्ताधाऱ्यांवर टीकेची झोड उठविली आहे.

काँग्रेस जनतेच्या ताब्यातील संपत्ती हिसकावून घेत ज्यांना जास्त मुले आहेत त्यांना तिचे वाटप करणार असल्याचे विधान पंतप्रधानांनी राजस्थानातील सभेत केल्यानंतर विरोधक संतापले आहेत.

मंगळवारी अलिगडमधील सभेतही मोदी यांनी संपत्तीच्या वाटपाबाबत विरोधकांची विचारसरणी नक्षलवाद्यांसारखी असल्याचा घणाघात केला.