लोकसभा २०२४

Loksabha election 2024 : तृतीयपंथी नागरिकांच्या मतांचा टक्का का वाढत नाही? रंजिता सिन्हा म्हणाल्या....

रांगेतील अनेक लोक त्यांच्याकडे संशयाने पाहतात, त्यांना समानतेची वागणूक देत नाहीत. हा सर्व प्रकार अत्यंत अवमानास्पद असल्यानेच तृतीयपंथी नागरिक रांगेत उभे राहून मतदान करण्याचे टाळतात, असे सामाजिक कार्यकर्त्या रंजिता सिन्हा यांनी सांगितले.

सकाळ वृत्तसेवा

कोलकता : विधानसभा असो वा लोकसभा, मतदानासाठी मतदान केंद्रावर रांगा लागल्याचे चित्र हमखास दिसते. या रांगेत तृतीयपंथी नागरिक मात्र अभावानेच दिसतात. रांगेत उभे राहिल्यास इतर लोक अपमान करतात, त्यामुळे रांगेत उभे राहण्यास तृतीयपंथी नागरिक अनुत्सुक असल्याचे दिसून आले आहे.

काही सामाजिक कार्यकर्त्यांनी दिलेल्या माहितीनुसार, मतदानासाठी आलेल्या तृतीयपंथी नागरिकांना अनेकदा मतदान केंद्राच्या प्रवेशद्वारातच अडविले जाते. त्यांच्याकडून वारंवार ओळखपत्राची मागणी केली जाते. वैध कागदपत्रे असतानाही मतदार याद्यांमध्ये त्यांची नावे नसतात. या अडचणींमधूनही मार्ग काढत तृतीयपंथी नागरिक मतदान करण्यासाठी रांगेत उभे राहिले तर त्यांना अपमानाला सामोरे जावे लागते.

रांगेतील अनेक लोक त्यांच्याकडे संशयाने पाहतात, त्यांना समानतेची वागणूक देत नाहीत. हा सर्व प्रकार अत्यंत अवमानास्पद असल्यानेच तृतीयपंथी नागरिक रांगेत उभे राहून मतदान करण्याचे टाळतात, असे सामाजिक कार्यकर्त्या रंजिता सिन्हा यांनी सांगितले.

निवडणूक आयोगाकडे तृतीयपंथी मतदारांची संख्याही प्रत्यक्ष संख्येपेक्षा प्रचंड कमी असल्याचा दावा सिन्हा यांनी केला. पश्‍चिम बंगालमध्येच चाळीस ते पन्नास हजार तृतीयपंथी मतदार असताना निवडणूक आयोगाकडे मात्र केवळ १८३७ जणांची नोंद आहे. महिलांना, ज्येष्ठ व दिव्यांग नागरिकांना मतदान केंद्रावर जशी सहानुभूती मिळते, त्यांना सोयीसुविधा पुरविल्या जातात, तशीच सहानुभूती आम्हालाही मिळायला हवी, अशी मागणी सिन्हा यांनी केली आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

गोकुळच्या दूध खरेदी-विक्री दरात वाढ, संचालक मंडळाच्या बैठकीत मोठा निर्णय

SA vs BAN 1st Test : १२ धावांचे लक्ष्य अन् दक्षिण आफ्रिकेचा ९ चेंडूंत विजय! WTC Final च्या शर्यतीत मोठी उलथापालथ, भारताच्या स्वप्नांना धक्का; समजून घ्या गणित

SIP Investment: SIP मध्ये पैसा कमवायचा असेल तर किती वर्षे गुंतवणूक करावी? 7 वर्षांचा नियम काय? रीपोर्टमधून मोठा खुलासा!

शर्ट काढून विवाहित अभिनेत्रीला मारली मिठी; सोडायला सांगूनही सोडेना, वर म्हणतो- किस करू का? भर कार्यक्रमात अभिनेत्याने ओलांडल्या मर्यादा

Marathi News Live Updates : तामिळनाडू विधानसभेचे आमदार व्ही. एस. बाबू यांचे निधन

SCROLL FOR NEXT