Lok sabha election 2024 : लोकसभा निवडणुकीसाठी मंगळवारी मतमोजणी होत आहे. सकाळी ८ वाजल्यापासून मतांच्या मोजणीला सुरुवात झाली असून सुरुवातीच्या अर्ध्या तासामध्ये देशभरात शंभरपेक्षा जास्त जागांचे कल हाती आलेले आहेत. पहिल्या कलांनुसार एनडीए पुढे असून इंडिया आघाडीने पिछाडी घेतल्याचं दिसतंय.

पहिल्या पंधरा मिनिटांमध्ये एनडीए १२३ जागांवर आघाडीवर होतं तर इंडिया आघाडी केवळ ५२ जागांवर आघाडीवर होतं. सुरुवातीला आलेले कलच महत्त्वाचे ठरतात, असा इतिहास आहे. एक्झिट पोलने एनडीएला साडेतीनशे जागांपेक्षा जास्त जागा मिळतील, असा अंदाज दिलेला आहे. तर इंडिया आघाडी दीडशे ते दोनशे जागा जिंकेल, असा अंदाज आहे.

दरम्यान, महाराष्ट्रातून हाती आलेल्या कलांनुसार कोल्हापूरमध्ये शाहू महाराज आघाडीवर आहेत, पुण्यातून मुरलीधर मोहोळ आघाडीवर आहेत, रत्नागिरीतून नारायण राणे आघाडीवर आहेत. तर ठाण्यातून राजन विचारे आघाडीवर आहेत, पालघरमध्ये मविआच्या भारती कामडी आघाडीवर आहेत.

सोलापूरमध्ये प्रणिती शिंदे तर अमरावतीमध्ये नवनीत राणा आघाडीवर आहेत.

ईशान्य मुंबईतून मिहीर कोटेचा आघाडीवर आहेत