कोलकाता : पश्चिम बंगालच्या मुख्यमंत्री ममता बॅनर्जी यांनी राष्ट्रीय लोकशाही आघाडी अर्थात भाजप्रणित एनडीए आणि इंडिया आघाडी यांना किती जागा मिळतील याचं भाकीत केलं आहे. यासाठी आमच्याकडं याचा हिशोब असल्याचं त्यांनी एका जाहीर सभेत बोलताना सांगितलं. (Mamata Banerjee prediction how many seats NDA and INDIA will get said yesterday we have count)

पश्चिम बंगालमधील उत्तर परगाना जिल्ह्यातील बनगाव इथं एका प्रचार सभेत बोलताना ममता बॅनर्जी म्हणाल्या, दीदी केंद्रात इंडिया आघाडीला सत्तेत आणणार आहे. आम्ही पश्चिम बंगालमधून त्यासाठी मदत करणार आहोत. आपल्या सर्वांना मिळून इंडिया आघाडीला जिंकवायचं आहे. कालपर्यंत आमच्याकडं जो हिशोब आला आहे त्यानुसार, भाजपला १९०-१९५ जागा तर इंडिया आघाडीला आत्तापर्यंत ३१५ जागा मिळणार आहेत. त्यामुळं आता मोदी येणार नाहीत, असंही त्यांनी म्हटलं आहे.