माझे वडील मुरलीभाई १९६८ पासून सक्रिय राजकारणात होते. १९८० पासून त्यांनी लोकसभेत काम करणे सुरू केले. त्यानंतर मला मोठी संधी मिळाली. ‘क्लस्टर डेव्हलपमेंट’ची कल्पना ही माझीच आहे. माझ्याच प्रयत्नाने ही योजना सर्वप्रथम दक्षिण मुंबईत लागू झाली; पण काँग्रेस या जागेसाठी फारशी आग्रही नव्हती, हे खरे आहे. त्यातच मुख्यमंत्री एकनाथ शिंदे यांची लोकांमध्ये जाऊन काम करण्याची पद्धत मला भावली. त्यांनी मला काम करण्याची संधी दिल्याने मी त्यांच्यासोबत काम करण्याचा निर्णय घेतला.

ही जागा शिवसेनेची आहे. जिथे ज्या पक्षाचे खासदार आहेत त्या जागा त्या त्या पक्षांकडे राहतील. हा आमचा बालेकिल्ला आहे. मात्र, मनसेबाबतचा निर्णय पक्षश्रेष्ठीच घेतील.

या मतदारसंघातील कधीकाळी तुमच्यासोबत असणारा अल्पसंख्याक व मराठी माणूस शिवसेनेकडे कसा वळणार?

गेल्या दहा वर्षांपासून या मतदारसंघात मी काम करतोय. शिवडी, वरळी, भायखळा, चिंचपोकळी, घोडपदेव, गिरगाव येथील चाळींमध्ये मराठी टक्का मोठ्या प्रमाणात आहे. दुसऱ्या बाजूला मुस्लिम, व्यापारी, उच्चभ्रू वस्ती आहे. या लोकांनी माझे काम पाहिले आहे. पुनर्विकासाच्या अनेक कामांना मी चालना दिली आहे. धनुष्यबाण येथील घराघरात पोहोचला आहे. लोक माझ्यामागे शंभर टक्के उभे राहतील.

महायुतीच्या माध्यमातून आम्ही या निवडणुकीला सामोरे जात आहोत. पक्षाच्या प्रमुख नेत्यांमध्ये जागावाटपाबाबत चर्चा सुरू आहे. सर्व नेत्यांमध्ये ट्युनिंग फार चांगले आहे. यामुळे कुणावरही अन्याय होणार नाही. सर्व ठिकाणी योग्य उमेदवार दिला जाईल.

महायुतीमध्ये अनेक उमेदवार निवडणूक लढवण्यास इच्छुक आहेत. त्यातील योग्य उमेदवार देण्याबाबत चर्चा सुरू आहे. इच्छुक खूप असले तरी प्रत्येक निवडणुकीत नवीन समीकरणे समोर असतात. त्याचा विचार करून जो चांगला उमेदवार असेल त्यासाठी आग्रह केला जात आहे.

पंतप्रधान नरेंद्र मोदी हे महायुतीमधील सर्वोच्च नेते आहेत. त्यांना पुन्हा एकदा पंतप्रधान बनवायचे आहे. त्यांच्यासाठी सर्व लोक एकत्र येतील. प्रत्येक जागेवर मोदी निवडणूक लढवत आहेत, असे आम्ही मानतो. आमचे नेते मुख्यमंत्री एकनाथ शिंदे हेदेखील सर्वसामान्य लोकांमधील मुख्यमंत्री आहेत. ते वेगवान आणि २४ तास काम करत आहेत. लोकांसाठी उपलब्ध आहेत. महायुतीचे जास्तीत जास्त उमेदवार जिंकून देणे, हे आमचे लक्ष आहे.

मी मुंबईकर असलो तरी राज्यातच नाही तर देशभर काम केले आहे. तो अनुभव यावेळी मला कामी येईल. मी महायुतीच्या स्टार प्रचारकांच्या यादीमध्ये आहे. त्यामुळे वरिष्ठांचा विश्वास सार्थ ठरवण्यासाठी मी पूर्ण प्रयत्न करणार आहे.

विकासाचा मॉडेल हाच आमचा अजेंडा आहे. मुंबईसारख्या शहरात परवडणारी घरे देणे, हे आमचे ध्येय आहे. मराठी माणसाला स्थिर करण्यासाठी त्यांना कायमचे घर देण्यासाठी आमचा प्रयत्न सुरू आहे. यासाठीच समूहविकास, पुनर्विकास अशा प्रकल्पना अधिकाधिक चालना देत आहोत. मुंबईचे रूप पालटणाऱ्या विकासाचे मॉडेल राबवायचे आहे.

देशात पंतप्रधान नरेंद्र मोदी आणि राज्यात मुख्यमंत्री एकनाथ शिंदे आणि दोन्ही उपमुख्यमंत्री लोकांमध्ये जाऊन काम करत आहेत. यांच्या नेतृत्वाखालीच ही निवडणूक लढवत आहोत. यांच्या नेतृत्वात देशाला आणि राज्याला पुढे घेऊन जायचे आहे. यासाठी सर्व जनता महायुतीच्या मागे खंबीरपणे उभी राहील, असा मला विश्वास आहे. गेल्यावेळीपेक्षा अधिक जागा यावेळी येतील.