मुंबई : महायुतीत शिवसेनेनं घोषित केलेल्या आठ उमेदवारांपैकी दोन उमेदवार बदलले जाऊ शकतात, असे सुतोवाच आमदार संजय शिरसाट यांनी केलं आहे. यामध्ये एक पश्चिम महाराष्ट्रातून तर दुसरा उमेदवार मराठवाड्यातून बदलला जाऊ शकतो. (shivsena eknath shinde may change loksabha candidates on hingoli and hatkangale constituency)

कोणते उमेदवार बदलणार?

मराठवाड्यात हिंगोली आणि पश्चिम महाराष्ट्रात हातकणंगले या दोन जागांवरील उमेदवार बदलण्याची सध्या चर्चा सुरु आहे. हिंगोली लोकसभा मतदारसंघातून हेमंत पाटील आणि हातकणंगले इथून धैर्यशील माने हे उमेदवार जाहीर झाले आहेत. या दोघांना स्थानिक पातळीवरुन विरोध होत आहे. त्यामुळं यावर शिक्कामोर्तब झालं आहे. (Marathi Tajya Batmya)

उमेदवार बलण्याची चर्चा का?

स्थानिक पातळीवर या उमेदवारांविरोधात जनमत असल्याचं भाजपच्या काही सर्व्हेंमधून समोर आलं आहे. त्यामुळं भाजपनं हे उमेदवार बदलण्याबात शिवसेनेवर मोठा दबाव टाकल्याचं बोलल जात आहे. भाजपच्या कार्यकर्त्यांनी उमेदवार बदलण्याची मागणी केली आहे. (Latest Marathi News)

संजय शिरसाट काय म्हणाले?

जर एखाद्या ठिकाणी उमेदवार कमजोर वाटत असेल तर तो बदलण्याचा अधिकार मुख्यमंत्री एकनाथ शिंदे यांना आहे. महाराष्ट्रात शक्यता नाकारता येत नाहीत. मराठवाड्यातील आणि पश्चिम महाराष्ट्रातील जागा बदलण्याची शक्यता नाकारता येत नाही.