कोल्हापूर : ‘श्रीमंत शाहू छत्रपती महाराज यांना मी स्वतः निवडणुकीला उभे राहू नये, म्हणून विनंती केली होती. राजकारण आले, निवडणूक आली की टीका होणार हे बोललो होतो. आम्हाला शाहू महाराज यांच्याबद्दल आदर आहे. अजूनही वेळ गेलेली नाही. उमेदवारी अर्ज भरायला वेळ असल्याने शाहू महाराज यांनी फेरविचार करावा, अशी भूमिका पालकमंत्री हसन मुश्रीफ (Hasan Mushrif) यांनी मांडली.

भारतीय जनता पक्षाच्या दक्षिण मतदारसंघातील कार्यकर्त्यांच्या मेळाव्यात ते बोलत होते. ‘शाहू महाराजांवर टीका होत राहिली तर त्याचा आम्हाला देखील त्रास होईल. मात्र, संजय मंडलिक (Sanjay Mandlik) यांच्याविरोधात वैयक्तिक टीका करणारे व्हिडिओ यायला लागले, तेंव्हा त्याला उत्तरे दिली जाणार आणि वाद वाढणार, हे माहिती होते.

शाहू महाराज (Shahu Chhatrapati Maharaj) लोकसभेचे उमेदवार म्हणून आता एका पक्षाचे झाले आहेत. त्यामुळे ते वादात ओढले जाणार, हे उघड होते’, असेही मुश्रीफ म्हणाले.