बारामती : लोकसभा निवडणूकीसाठी सकाळी अकरा वाजेपर्यंत बारामती विधानसभा मतदारसंघात 17.45 टक्के मतदान झाल्याची माहिती पुढे येत आहे.
लोकसभा निवडणूकीसाठी आज राष्ट्रवादीच्या उमेदवार सुप्रिया सुळे यांनी बारामतीतील रिमांड होम येथील मतदान केंद्रात मतदानाचा हक्क बजावला. दरम्यान पवार कुटुंबियातील प्रतिभाताई पवार, रणजित पवार, शुभांगी पवार, देवयानी व ईरा पवार यांनीही सुळे यांच्या सोबत रिमांड होम मध्ये मतदान केले. माजी उपमुख्यमंत्री अजित पवार, त्यांच्या पत्नी सुनेत्रा पवार, विजयाताई पाटील, नीताताई पाटील, श्रीनिवास पवार व शर्मिला पवार यांनी काटेवाडी येथे मतदानाचा हक्क बजावला.
भाजपच्या उमेदवार कांचन कुल, आमदार राहुल कुल यांनीही दौंड तालुक्यात मतदानाचा हक्क बजावला, वंचित बहुजन आघाडीचे उमेदवार नवनाथ पडळकर यांनीही तांदुळवाडी येथे मतदानाचा हक्क बजावला.
दरम्यान वंचित बहुजन आघाडीच्या एका पोलिंग एजंटला पोलिसांनी दोन तास जाणुनबुजून डांबून ठेवल्याचा आरोप नवनाथ पडळकर यांनी केला. दरम्यान सकाळी अकरा वाजेपर्यंत मतदानाची प्रक्रीया शांततेत सुरु असल्याचे सूत्रांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.