जुनी सांगवी : सत्ता मिळण्याआधी मोदींना काय बोलावे याचे भान नव्हते. लोकांना खोटी स्वप्ने दाखवत त्यांनी सत्ता मिळवली. पाच वर्षे जनतेला झुलवत ठेवले. अच्छे दिन, सबका साथ सबका विकास म्हणत खोटे बोलून सत्ता मिळवली. पण आपण काय बोललो याचे त्यांना भान राहिले नाही. त्यामुळे आज मोदींची अवस्था गजनी चित्रपटातल्या आमिर खान यांच्यासारखी झाली असल्याची टीका विरोधी पक्षनेते धनंजय मुंडे यांनी दापोडी येथे मावळ लोकसभेचे उमेदवार पार्थ पवार यांच्या प्रचारसभे बोलताना केली.
मुंडे यांनी, अच्छे दिन, नोटा बंदीच्या निर्णयावर भाजपावर सडकून टीका केली. तर आमीर खानला जसं सिनेमाच्या सुरूवातीच आणी मध्यांतरानंतरच काहीच माहीत नसते तसच मोदींचे असल्याची टीका त्यांनी केली. अच्छे दिन, बेरोजगारी, वाढते गँस दर, महागाईवर आत्ता भाजपावाल्यांची तोंड बंद आहेत. सेना भाजपांचे खोटारडेपणा जनतेनी हाणून पाडावा. राष्ट्रवादी काँग्रेस आघाडीचे मावळ लोकसभा मतदारसंघाचे उमेदवार पार्थ पवार यांच्या प्रचारार्थ दापोडी येथील त्रिरत्न सभागृहात सभेचे आयोजन करण्यात आले होते.
यावेळी प्रदेशाध्यक्ष जयंत पाटील, राष्ट्रवादी युवती काँग्रेसच्या सक्षणा सलगर, शहर कार्याध्यक्ष प्रशांत शितोळे, स्थानिक नगरसेवक रोहित काटे, माई काटे, राजू बनसोडे, राष्ट्रवादी युवा काँग्रेसचे शेखर काटे आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.