मुंबई : भारतातील सर्वांत श्रीमंत व्यक्ती आणि उद्योगपती मुकेश अंबानी काँग्रेस उमेदवार मिलिंद देवरा यांना जाहीर पाठिंबा का देतात? मोदी पंतप्रधान होणार नसल्यानेच आता एखादा उद्योगपती उघडपणे मोदींना पाठिंबा देत आहेत, असा तर्क मनसे अध्यक्ष राज ठाकरे यांनी वर्तविला.

मुंबईत राज ठाकरे यांची यंदाच्या लोकसभा निवडणुकीत पहिलीच सभा झाली. या सभेला मोठ्या प्रमाणात जनसमुदाय उपस्थित होता. पंतप्रधान नरेंद्र मोदी आणि भाजप अध्यक्ष अमित शहा यांच्यावर राज यांनी आतापर्यंत टीकास्त्र सोडले आहे. आताही त्यांनी या दोघांनाच लक्ष्य केले.

राज म्हणाले, की मुकेश अंबानी काँग्रेसच्या बाजूने असताना पाकिस्तानचे पंतप्रधान इम्रान खान यांना मोदी का पंतप्रधान हवे आहेत. हेच मोदी म्हणाले होते माझी 56 इंचाची छाती आहे. मनमोहनसिंगांना म्हणायचे, एक मारले तर चार मारा. आता हेच मोदी शपथविधीला पाकिस्तानच्या पंतप्रधानांना बोलवितात आणि त्यांच्या वाढदिवसाला बिर्याणी खायला गेले. काय म्हणत असतील, जवानांच्या कुटुंबियांना.