पुणे : सकाळच्या सत्रात महायुतीचे पुणे लोकसभा मतदारसंघाचे उमेदवार गिरीश बापट यांनी कुटुंबियांसह मतदान केले. निवडणुकीच्या प्रचारादरम्यान कोणावरही टीका केलेली नाही तर त्यांच्यावर झालेल्या टीकांकडे जास्त लक्षही दिले नाही असे मत त्यांनी व्यक्त केले आहे.
''निवडणूकीच्या प्रचारामध्ये मी कुणावरही टोकाची टीका केलेली नाही. माझ्यावर झालेली टीका ही अदखलपात्र आहे. घटनेच्या चौकटीत, लोकशाही मार्गाने तरुणांनी मतदान करावे. देशात परिवर्तन घडवून आणण्याची ताकद मतदानामध्ये आहे म्हणूनच मतदानाबाबात सर्वांनी गंभीर असले पाहिजे.
मतदान करणे जिवंत लोकशाहीची लक्षणे आहेत. काही अपवाद वगळता सगळीकडे मतदान सुरळीत सुरू आहे,'' असे मत त्यांनी व्यक्त केले आहे.
''शहरात सुरू असलेल्या विकास कामांचा मला मोठा फायदा होणार आहे. मी इतर पक्षांच्या आणि उमेदवारांच्या कामाकडे लक्ष देत नाही. त्यामुळे वंचित काय करतो किंचित काय करतो हे मी पाहिले नाही. मात्र, बारामती मतदार संघाकडे माझे लक्ष आहे. पुणे जिल्ह्यात चारही जागा युतीला मिळतील,'' असेही मत त्यांनी व्यक्त केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.