Accidet News: गाडी चालवतांना अचानक खड्डा आला. यावेळी ब्रेक मारला मात्र मागून आलेली दुचाकी आयशरला धडकली आणि दोन वर्षीय चिमुकल्याचा दुर्दैवी मृत्यू झाला. अशी संतापजनक घटना समोर आली आहे. जिहान सलमान शाह असे त्या २ वर्षीय मुलाचे नाव आहे.

मालेगावचे रहिवाशी असलेले सलमान शाह हे आपल्या पत्नी सना सलमान शाह आणि मुलगा जिहान यांच्या सोबत खुलताबाद येथे उरूससाठी चालले होते. त्यांचा शिऊर बंगला- नांदगाव मार्गावरील शिंदीनाला फाट्यावर अपघात झाला. यावेळी त्यांच्या मुलगा जिहान सलमान शाह याचा जागीच मृत्यू झाला. तर ते आणि त्यांची पत्नी गंभीर जखमी झाली.

साडेचार वाजण्याच्या सुमारास ते शिंदीनाला फाटा येथील धनेश्वर वस्तीजवळ आले. याचवेळी पुढे धावत असलेल्या आयशर ट्रकने खड्ड्यामुळे अचानक ब्रेक मारला. यावेळी दुचाकी आयशरला धडकली.

पुढे बसलेल्या दोन वर्षीय जिहान सलमान शाहच्या डोक्याला जबर मार लागला आणि त्यांचा जागीच मृत्यू झाला. तर पती पत्नी गंभीर जखमी झाले. या अपघातानंतर आयशर चालक ट्रकसह फरार झाला.