पुणे - राज्यात ऑनलाइन केंद्रीय पद्धतीने राबविण्यात येणाऱ्या अकरावीच्या पहिल्या तीन नियमित फेऱ्यांमध्ये दोन लाख ३८ हजार ७४४ विद्यार्थ्यांनी प्रवेश घेतला असून, तीन लाख २० हजार २६ जागा रिक्त आहेत. पुण्यात ६१ हजार ५८५, तर मुंबईमध्ये एक लाख ८४ हजार ९६० जागा रिक्त आहेत. या जागांवरील प्रवेशासाठी पहिल्या विशेष फेरीची निवड यादी गुरुवारी (ता. २४) जाहीर केली जाणार आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

पहिल्या तीन प्रवेश फेऱ्यांमध्ये निवड यादीत नाव लागूनही अनेकांनी प्रत्यक्ष प्रवेश घेतला नसल्याची माहिती समोर आली. त्यामुळे विशेष फेरीसाठी विद्यार्थ्यांना महाविद्यालयांचा पसंतीक्रम बदलून अर्ज लॉक करणे अनिवार्य करण्यात आले. यंदा विशेष फेरीत रिक्त जागांची संख्या तुलनेने अधिक आहे.

केंद्र सरकारचा अजब कारभार : अतिवृष्टीच्या दोन महिन्यानंतर केंद्रीय पथक बारामतीत

शहरातील नामांकित महाविद्यालयात आपल्याला प्रवेश मिळावा, या अपेक्षेने विद्यार्थी पुढील फेरीसाठी प्रतीक्षा करतात.  काही विद्यार्थी ऑनलाइन प्रवेशाचा अर्ज भरून प्रत्यक्ष शहराबाहेरील महाविद्यालयांमध्ये ऑफलाइन प्रवेश घेत असावेत. त्याशिवाय, आयटीआय आणि अन्य पदविका अभ्यासक्रमाला प्रवेशासाठी विद्यार्थी प्रयत्न करत असतील. त्यामुळे विद्यार्थी ऑनलाइन प्रक्रियेअंतर्गत प्रवेशात सहभागी होत नसावेत. प्रवेशासाठी असणाऱ्या एकूण जागा आणि आलेले अर्ज पाहता, प्रवेशाच्या जागा अधिक असल्याचे दिसून येते. 
- मीना शेंडकर, सचिव, इयत्ता अकरावी केंद्रीय ऑनलाइन प्रवेश समिती

पुणे विद्यापीठाकडून कॅसच्या मुलाखती पुन्हा रद्द

बाहेरगावाहून अकरावीसाठी पुण्यात येणारे विद्यार्थी प्रवेश फेरीदरम्यान निवड यादीत नाव लागूनही प्रवेश घेत नसल्याचे दिसून येते. कोरोनाच्या पार्श्‍वभूमीवर पालक विद्यार्थ्यांना पुण्यात पाठविण्याबाबत द्विधा मनःस्थितीत आहेत. तसेच, पहिल्या पसंतीक्रमाचे महाविद्यालय मिळावे, म्हणून अनेक विद्यार्थी पुढील फेरीच्या प्रतीक्षेत आहेत. निवड झालेल्या विद्यार्थ्यांशी प्रवेशाबाबत फोनद्वारे संपर्क साधला जात आहे, त्यातून ही माहिती समोर येत आहे.
- विनायक सोलापूरकर, प्राचार्य, सर परशुरामभाऊ महाविद्यालय

Edited By - Prashant Patil