विजाभज प्रवर्गाच्या इयत्ता पाचवी ते आठवी मध्ये शिकणाऱ्या विद्यार्थ्यांना सुलभ रीतीने शिकता यावे व शिक्षण पद्धती रंजक व्हावी, तसेच विद्यार्थ्यामध्ये शिकणाची आवड निर्माण होऊन त्यांना आधुनिक शिक्षणाची जोड मिळावी.
सासुरे - विजाभज प्रवर्गाच्या इयत्ता पाचवी ते आठवी मध्ये शिकणाऱ्या विद्यार्थ्यांना सुलभ रीतीने शिकता यावे व शिक्षण पद्धती रंजक व्हावी, तसेच विद्यार्थ्यामध्ये शिकणाची आवड निर्माण होऊन त्यांना आधुनिक शिक्षणाची जोड मिळावी, याकरिता राज्यातील पाचवी ते आठवी वर्गामध्ये शिकणाऱ्या विद्यार्थ्यांना पाच विद्यार्थ्यांमागे एक याप्रमाणे सात हजार टॅब उपलब्ध करून देण्यात येणार आहेत. यास अधिकृत प्रशासकीय मान्यताही मिळालेली असून याची लवकरच कार्यवाही होणार आहे.
यासाठी राज्यातील विजाभजविभागाच्या आश्रमशाळेत पाचवी ते आठवी वर्गामध्ये शिकणाऱ्या विद्यार्थ्यांची माहिती प्रत्येक जिल्हास्तरावरून मागविण्यात आलेली आहे. लवकरच आता विद्यार्थ्यांना टॅब मिळण्याची शक्यता निर्माण झाली आहे.
आश्रमशाळेच्या विद्यार्थ्यांना आधुनिक प्रवाहात आणणारा निर्णय
आश्रमशाळेत शिकणारी मुले भटक्या प्रवर्गातील असतात. तसेच साधारण विद्यार्थ्यांच्या तुलनेत आश्रमशाळेत शिकणारी मुले ही आर्थिक दृष्टया दुर्बल असल्याने ते कायमच आधुनिक तंत्रज्ञानापासून वंचित राहतात. प्रशासनाचा हा निर्णय त्यांना आधुनिक शिक्षण प्रवाहात आणणारा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.