नाशिकच्या करन्सी प्रेस नोटच्या आवारात आग लागली. स्क्रॅप मटेरिअलला ही आग लागली आहे. सुदैवाने मुख्य इमारतीला धोका नसल्याची माहिती समोर आली आहे. आग कशामुळे लागली याचे कारण स्पष्ट होऊ शकले नाही.

नाशिकमध्ये करन्सी नोट प्रेसचा इतिहास

नाशिकमध्ये सिक्युरिटी नोट प्रेसची स्थापना 1924 साली ब्रिटिशांनी केली. 1928 ला पहिल्यांदा 5 रुपयांची नोट या नोट प्रेसमध्ये छापण्यात आली. 1980 पर्यंत सिक्युरिटी प्रेसमध्येचं नोटा छापल्या जात होत्या. 1980 नंतर करन्सी नोट प्रेसमध्ये नोटा छपाईला सुरुवात झालीय. करन्सी नोटप्रेसमध्ये 5, 10, 20, 50, 100, 200, 500 रुपयांच्या नोटा छापल्या जातात. वर्षाला सरासरी 4 हजार दशलक्ष नोटा छापल्या जातात.