Abhijeet Bichukale : मनसे नेते गजानन काळे यांच्यावर अभिजीत बिचुकले यांनी पलटवार केला आहे. आजपासून गजानन काळे यांचे नाव गांजा काळे असे बिचुकले यांनी म्हटले आहे. एका कार्यक्रमात काळे यांनी अभिजीत बिचुकले आणि संजय राऊत यांनी जोरदार टीका केली होती. 

"सकाळी-सकाळी राऊत बोलायला सुरूवात करतात. मला ईडीला विचारायला लागेल यांना तुरुंगात टाकलं होतं की वेड्यांच्या हॉस्पिटलमध्ये टाकलं होतं. सकाळी सकाळी संजय राऊत कडक गांजा मारतात. संजय राऊतांना वाटतं तेच भगवान आहेत. ऐवढा आत्मविश्वास महाराष्ट्रात दोनचं मानसांमध्ये आहे. एक संजय राऊत आणि दुसरे अभिजीत बिचुकले", असे गजानन काळे म्हणाले होते. 

दरम्यान अभिजीत बिचुकले यांनी जोरदार पलटावर केला आहे. "त्या माणसाचे नाव काय आहे. त्याला आज नाव देतो. राज ठाकरे आमचे बंधू आहेत. राज ठाकरे यांना सांगतो तुमचा जो पदाधिकारी आहे. त्याचे नाव आजपासून गांजा काळे आहे. तुझ्या घरात येईन तुला फरफरटत नेईन आणि राज ठाकरे यांच्यासमोर कृष्णकूंजवर तुझं कानफाड फोडीनं. तू गांजा ओढला का?, तुझ्या रक्तात गांजा आहे का?. राज ठाकरे आहेत म्हणून उड्या मारु नको," असे बिचुकले यांनी ठणकावून सांगितले. 

"गांजा काळे हे नाव संपूर्ण महाराष्टाने लक्षात ठेवावे. त्याचं नाव आता गजानन काळे नाही. संजय राऊत आणि तुमचे काही वैर असेल. तुमच्या ७०० पिढ्यांना माहित आहे का? अभिजीत बिचुकले कोण आहे. अभिजीत बिचुकलेंची जात, धर्म महाराष्ट्राच्या नावात आहे," असे देखील बिचुकले यांनी म्हटले आहे.