पुण्याचे पालकमंत्री चंद्रकांत पाटील यांच्या उपस्थितीत आज पुण्यातील कालवा समितीची बैठक पार पडत आहे. पुण्यात पाणीकपात होणार का हे या बैठकीत ठरणार आहे. तर या बैठकीला राष्ट्रवादीचे नेते आणि विरोधी पक्षनेते अजित पवार अनुपस्थित आहेत. या कार्यक्रमाचे वेळापत्रक बदलल्यामुळे अजित पवार त्यांच्या पुढील कामासाठी रवाना झाले असल्याची माहिती समोर आली आहे.

पुण्याचे पालकमंत्री चंद्रकांत पाटील यांच्या उपस्थितीत या बैठकीला सुरवात झाली आहे. पुण्याच्या आसपास असणाऱ्या धरणांमद्धे जुलै महिन्यांपर्यंत पुरेल इतकाच पाणीसाठा उपलब्ध आहे. त्यामुळे पाणी कपातीचा निर्णय घ्यावा का? यासंबधीची चर्चा या कालवा समितीच्या बैठकीत होणार होती. अजित पवार देखील या बैठकीला उपस्थित राहणार होते.

या बैठकीच्या वेळापत्रकात बदल झाल्यामुळे अजित पवार पुढील कार्यक्रमाला रवाना झाले आहेत. चंद्रकांत पाटील यांच्या उपस्थितीत ही बैठक सुरू झाली आहे. काल रात्री अजित पवार यांना वेळ बदलण्यात आल्याचे कळवण्यात आले. त्यानंतर पवारांनी एक मेसेज पाठवला आहे. त्यांचे आधीचे पूर्वनियोजित कार्यक्रम ठरले असून ते त्यांना टाळता येणं शक्य नव्हतं त्यामुळे ते अनुपस्थित आहेत.

पुणेकरांच्या दृष्टिकोनातून ही खूप महत्वाची बैठक आहे. पुणे शहर परिसराला पाणीपुरवठा करणाऱ्या चार धरण क्षेत्रामध्ये कमी पाणीसाठा आहे. शहरात वेळ पडली तर पाणीकपात करावी का यावर चर्चा होणार होती. यासाठी अजित पवार अनुपस्थित आहेत. कारण या बैठकीचे वेळापत्रक बदलण्यात आले आहे.