Accident On Samruddhi Mahamarg : पंतप्रधान नरेंद्र मोदींच्या हस्ते रविवारी लोकार्पण झालेल्या समृद्धी महामार्गावर पहिल्या अपघाताची नोंद करण्यात आली आहे.

हेही वाचा : सीमावादात रक्त सांडायला मराठी माणूसच का?

नरेंद्र मोदींच्या हस्ते काल समृद्धी महामार्गाच्या नागपूर-शिर्डी या पहिल्या टप्प्याचं लोकार्पण पार पडले. मात्र, लोकार्पणाला २४ तास उलटत नाही तोच या महामार्गावर पहिल्या अपघाताची नोंद करण्यात आली आहे. वायफळ टोल नाक्यावर दोन कारमध्ये हा अपघात झाल्याचे समोर आले आहे. या घटनेत सुदैवाने कोणीही गंभीर जखमी झालेले नसून दोन्ही कारचे मोठे नुकसान झाले आहे.

११ लाख ३१ हजार झाडांची लागवड होणार

समृद्धी महामार्गामध्ये दोन लाख ३६ हजार झाडे बाधित झाली. त्यामुळे महामार्गाच्या दुतर्फा ११ लाख ३१ हजार झाडे लावण्यात येणार आहेत. संपूर्ण प्रकल्पाच्या हद्दीत झाडे लावणे, सुशोभीकरण करणे, सिंचन व्यवस्था करणे, त्याशिवाय वृक्षलागवडीची पाच वर्षे देखभाल-दुरुस्ती करण्याचे कामही केले जाणार आहे.