मुंबई: काँग्रेस प्रदेशाध्यक्ष नाना पटोले यांच्या कारवाईसाठी भाजप शिष्टमंडळाने राज्यपालांना पत्र लिहलंय. नाना पटोले यांच्यावर कठोर कारवाई करण्याची मागणी भाजपने केली आहे. पोलिसांना एफआयआर दाखल करून घेण्याच्या सूचना द्यावा, अशी मागणी भाजपच्या शिष्टमंडळाची पत्राद्वारे राज्यपालांकडे केली आहे.

नाना पटोले काय म्हणाले होते?

जिल्ह्यात रविवारी जिल्हा परिषद व पंचायत समितीच्या निवडणूक (Zilla Parishad and Panchayat Samiti elections) प्रचार करण्याचा शेवटचा दिवस होता. त्यामुळे काँग्रेस प्रदेशाध्यक्ष नाना पटोले यांनी आपल्या मतदार संघात निसटता पाय मजबूत करण्यासाठी विविध ठिकाणी सभा घेतल्या. सायंकाळी घेण्यात आलेल्या प्रचार सभेत नाना पटोले (Nana Patole) यांनी ‘मी मोदीला (Narendra Modi) मारू शकतो व शिव्याही देऊ शकतो’ असे दादागिरी करणारे वक्तव्य केले होतं. त्यावर भाजपने आक्षेप घेतल्यानंतर नाना पटोलेंनी स्पष्टीकरण देत म्हटलं होतं की, ‘मी आमच्या एका गाव गुंडाबद्दल बोलत होते, त्याच नाव मोदी आहे.

या सगळ्या प्रकरणावर भाजप आक्रमक झाला असून त्यांनी आता राज्यपालांना पत्र लिहून कारवाईची मागणी केली आहे. त्यांनी या पत्रात म्हटलंय की, नाना पटोले यांनी पंतप्रधान नरेंद्र मोदींबाबत बेताल वक्तव्य केलं असून भाजप पक्ष त्याचा निषेध करत आहे. देशाच्या पंतप्रधानांबाबत काँग्रेसच्या मनात इतका द्वेष आहे की आता ते त्यांना मारण्याचीही भाषा करत आहेत, त्यामुळे त्यांच्यावर कारवाई व्हावी. त्यांचं हे वक्तव्य अत्यंत गंभीर आणि आक्षेपार्ह आहे. त्यामुळे पोलिसांना एफआयआर दाखल करून घेण्याच्या सूचना द्यावा, अशी मागणी भाजपच्या शिष्टमंडळाची पत्राद्वारे राज्यपालांकडे केली आहे.