मुंबई - मुंबई विद्यापीठात सध्या सुरू असलेला कारभार पाहता आधीच्या कॉंग्रेस सरकारमधील शिक्षणमंत्री आणि कुलगुरू बरे होते का, असा प्रश्न पडतो, असा टोला शिक्षणमंत्री विनोद तावडे यांना शनिवारी युवा सेनाप्रमुख आदित्य ठाकरे यांनी लगावला. मुंबई विद्यापीठाच्या मुदत ठेवी मोडल्याबद्दल चौकशी करण्याची मागणी ठाकरे यांनी केली.
ठाकरे यांच्या हस्ते दादर येथे अत्याधुनिक स्वच्छतागृहाचे उद्घाटन झाले, त्या वेळी पत्रकारांशी बोलताना शिक्षणमंत्री तावडे यांचे नाव न घेता ठाकरे यांनी टोला लगावला. विद्यापीठाचे कुलगुरू डॉ. संजय देशमुख यांच्यावर त्यांनी टीका केली. पूर्वी विद्यार्थ्यांचे ऐकले जात असे. कुलगुरू भेटत असत. आता यात राज्यपालांना हस्तक्षेप करावा लागतो.
ऑनलाइन प्रवेश प्रक्रिया होत नसताना उत्तरपत्रिका तपासणी मात्र ऑनलाइन करण्याचा हट्ट कशाला, असा प्रश्नही त्यांनी उपस्थित केला. पदव्युत्तर अभ्यासक्रमाच्या प्रवेशाला स्थगिती द्यावी, अशी मागणीही त्यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.