मुख्यमंत्री उद्धव ठाकरे (Uddhav Thackeray) यांचे पुत्र आणि मंत्री आदित्य ठाकरे (Aditya Thackeray) यांना जीवे मारणारी धमकी देणाऱ्या आरोपीला गजाआड करण्यात आलं आहे. या प्रकरणात मुंबई क्राईम ब्रांचच्या सायबर सेलने (Mumbai Police) जयसिंग राजपूत नावाच्या व्यक्तीला बंगळुरूहुन अटक केली आहे. राजपूत हा स्वतः अभिनेता सुशांत सिंह राजपूतचा फॅन असल्यातं समजतं आहे. आठ डिसेंबरच्या रात्री राजपूतने आदित्य ठाकरेंना यांना फोन केला होता.

आदित्य ठाकरे यांना फोनवर मॅसेज करून धमकी देण्यात आली होती. आदित्य ठाकरेंनी फोनवर कोणतेही उत्तर न दिल्याने राजपूतने आदित्य ठाकरे यांना मेसेज केला होता. याच प्रकरणात मुंबई पोलिसांच्या सायबर सेलने तपासाटी चक्र वेगाने फिरवत आरोपीला अटक केली आहे. 'सुशांत सिंह राजपूतला तु मारलं, आता नंबर तुझा' या आशयाचा मेसेज राजपूतने आदित्य ठाकरे यांना केला होता.

दरम्यान, या प्रकरणातील आरोपीने आदित्य ठाकरेंना धमकीच्या मेसेजसह अश्लील शब्दात शिवीगाळ देखील केली होती.