राष्ट्रवादीतील फुटीला 15 झाले आहेत अशातच आज घडामोडींना मोठा वेग आला आहे. राष्ट्रवादीच्या अजित पवार गटाचे सर्व मंत्री राष्ट्रवादीचे सर्वेसर्वा शरद पवार यांच्या भेटीला गेले आहेत. अधिवेशनाच्या एक दिवस आधीच राष्ट्रवाचे सर्व मंत्री शरद पवार यांच्या भेटीला गेल्याने राजकीय वर्तुळात चर्चा रंगल्या आहेत तर नेत्यांच्या भुवया देखील उंचावल्या आहेत. या भेटीत काय चर्चा होते याकडे सर्वांचं लक्ष लागलं आहे.(Latest Marathi News)

उपमुख्यमंत्री अजित पवार, राष्ट्रवादीचे नेते प्रफुल्ल पटेल, खासदार सुनील तटकरे, राष्ट्रवादीचे मंत्री छगन भुजबळ, दिलीप वळसे पाटील, हसन मुश्रीफ, आदिती तटकरे, धनंजय मुंडे, अनिल पाटील, धर्मराव बाबा आत्राम, संजय बनसोडे, नरहरी झिरवळ यांच्यासह सर्वच नेते शरद पवार यांना भेटायला वायबी सेंटरमध्ये दाखल झाले आहेत.(Latest Marathi News)

दरम्यान, राष्ट्रवादीचे प्रदेशाध्यक्ष जयंत पाटील हे देखील चव्हाण सेंटरकडे निघाले आहेत. तर 'चव्हाण सेंटरला कोण आलंय हे माहीत नाही. मला सुप्रिया सुळे यांचा फोन होता. त्यामुळे मी वायबी चव्हाण सेंटरकडे जात आहे, बाकी मला काही माहीत नाही', असं जयंत पाटील म्हणाले आहेत. मात्र, त्यांनी या भेटीवर अधिक भाष्य केलं नाही. तसेच राष्ट्रवादीचे नेते जितेंद्र आव्हाड चव्हाण सेंटरमध्ये आले आहेत. (Marathi Tajya Batmya)

शरद पवार हे मंत्रालयासमोरीलच यशवंतराव चव्हाण सेंटरमध्ये आहेत. तिथेच हे मंत्री पवारांना भेटायला गेले आहेत. राष्ट्रवादीच्या फुटीनंतर पहिल्यांदाच हे मंत्री शरद पवार यांनी भेटायला गेले आहे. अशातच उद्या राज्याचे पावसाळी अधिवेशन सुरू होत आहे. त्यापूर्वीच हे नेते शरद पवार यांना भेटायला गेले आहेत. त्यामुळे राष्ट्रवादीचे मंत्री आणि शरद पवार यांच्यामध्ये काय चर्चा होणार याकडे सर्वांचं लक्ष लागलं आहे.(Latest Marathi News)

या मंत्र्यांसोबत अजित पवारही आहेत. अजितदादा दुसऱ्यांदा शरद पवार यांच्या भेटीला आल्याने आश्चर्य व्यक्त केलं जात आहे. अजित पवार हे परवाच शरद पवार यांच्या घरी गेले होते. त्यांची काकू प्रतिभा पवार या आजारी असल्याने त्यांना भेटण्यासाठी अजित पवार गेले होते. अजितदादानंतर आता राष्ट्रवादीचे मंत्रीही शरद पवार यांना भेटायला गेल्यामूळे आश्चर्य व्यक्त केलं जात आहे.(Latest Marathi News)