Sharad Pawar : निवृत्ती मागे घेतल्यानंतर शरद पवार सोलापूर दौऱ्यावर आहेत. विठ्ठल साखर कारखाण्यात त्यांनी हजेरी लावली. या कारखाण्यात बायोगॅस प्रकल्पाचे उद्घाटन करण्यात आले. यावेळी शरद पवार यांनी अनेक मुद्यांवर भाष्य केले. कार्यक्रम संपल्यानंतर शरद पवार यांनी पत्रकार परिषद घेतली. यावेळी त्यांनी कर्नाटक निवडणुकीवर भाष्य केले.

शरद पवार म्हणाले, कर्नाटकमध्ये काँग्रेस सत्तेत येणार आहे. फक्त ५ ते ७ राज्यात भाजपचे सरकार आहे. देशभरात भाजपची घसरण होत आहे. केरळ, तामिळनाडूमध्ये आता भाजप नाही. तेलंगणा, आंध्रप्रदेशमध्ये देखील भाजप नाही. महाराष्ट्रात एकनाथ शिंदेमुळे सरकार आले. मध्यप्रदेशात कमलनाथ मुख्यमंत्री होते. तिथे देखील भाजपला आता संधी नाही.

तसेच शरद पवार यांनी बारसू रिफायनी प्रकल्पावर देखील भाष्य केले. पर्यावरणाला हाणी पोहचत असेत तर असे प्रकल्प नको. लोकांवर कोणतीही सक्ती नको त्यांना विश्वासात घ्यायला हवे, असे शरद पवार म्हणाले.

संजय राऊत राष्ट्रवादीत येणार असे नितेश राणे म्हणाले होते. यावर शरद पवार म्हणाले, कोणीतरी सिरीयस बोलत असेल तर मी उत्तर देतो. हे राणे-बिने यांच्यावर मी काय बोलाव, असे पवार म्हणाले.