Ajit Pawar Latest News- महाराष्ट्राच्या राजकारणात आज पुन्हा एकदा भुकंप झाला असून राष्ट्रवादी काँग्रेस पक्षात उभी फूट पडली. शिवाय अजित पवार यांनी आठ आमदारांसह मंत्रीपदाची शपथ घेतली.

मात्र त्यांच्या बंडाला शरद पवार यांचा विरोध असल्याचं स्पष्ट झाल्यानंतर राष्ट्रवादीचे प्रदेशाध्यक्ष जयंत पाटील यांनी भूमिका स्पष्ट केली.

यावेळी जयंत पाटील यांनी अनेक मुद्दयांवर भूमिका स्पष्ट केली. ते म्हणाले की, एकनाथ शिंदे जोरात चालले होते. शिवाय ते कोणाचे ऐकत नव्हते. त्यामुळे काही लोकांना एकनाथ शिंदेंचा राग असावा. त्यामुळेच त्यांना पर्याय निर्माण करण्यासाठी बंड घडवून आणल्याची शक्यता आहे.

एकनाथ शिंदे शिवसेनेतून जाताना काय बोलले होते की, अजित पवार यांच्यामुळे अन्याय झाला. आता अजित पवार तिकडे गेल्यामुळे त्यांना परत जायला संधी आहे. असो. पण अजित पवार यांनी विरोधीपक्षनेते पदाचा राजीनामा दिला हे पक्षाला कळवले असते तर बरे झाले असते, असंही ते म्हणाले.

दरम्यान विधान सभा निवडणुकीला वर्ष आहे. मात्र नव्याने निवडणूक लागण्याची शक्यता आहे. पवारसाहेब म्हणाले पाच आमदार राहिले तरी पक्ष वाढवला.

शरद पवारसाहेब, उद्धव ठाकरे, राहुल गांधी यांनी बरोबर राहण्याची भूमिका घेतली आहे. अजित पवार यांच्यासोबत केवळ ८ आमदार आहेत. ज्यांनी मंत्रीपदाची शपथ घेतली आहे. बाकीचे फक्त शपथविधी पाहण्यासाठी गेले होते, असा दावा जयंत पाटील यांनी केला आहे.