पुणे : राज्य सहकारी बँक प्रकरणी शरद पवार यांचा कसलाही संबंध नाही, असे राष्ट्रवादी कांग्रेसचे नेते अजित पवार यांनी आज स्पष्ट केले.

या संपूर्ण प्रकरणात कुठलाही गैर व्यवहार झालेला नाही मात्र, आमची कोणत्याही प्रकारे बाजू ऐकन्यात आली नाही. जेष्ठ नेते शरद पवार यांच्या विरोधात गुन्हा दाखल झाल्याचे मंगळवारी स्पष्ट झाल्यानंतर राज्यात एकच खळबळ उडाली.

या संदर्भात माध्यमाशी बोलताना अजित पवार म्हणाले, शेतकऱ्यांच्या हितासाठी निर्णय घेण्यात आले. संचालक मंडलाने एकत्रित निर्णय घेतले. मात्र, या साऱ्या प्रकरणात एका पैशाचाही भ्र्ष्टाचार झालेला नाही. 

अजित पवार म्हणाले -
-  एका पैशाचाही भ्रष्टाचार केला नाही
- शरद पवार यांचा या प्रकरणाशी संबंध नाही
- आम्हाला बाजू मांडण्याची संधी दिली जात नाही
- शरद पवार या बँकेवर कोणत्याही पदावर नाहीत, मग त्यांच्यावर गुन्हा कसा दाखल होतो
- गैरव्यवहाराचे आकडे एवढे मोठे सांगितले जात आहेत. त्याचा काहीही संबंध या प्रकरणाशी नाही
- कायद्याने सांगितले असूनही आम्हाला वेळ दिला नाही