Congress Party News:  राष्ट्रवादी काँग्रसमध्ये मोठी फूट पडली आहे. विरोधी पक्ष नेतेपदाचा राजीनामा देऊन अजित पवार यांनी आज काही आमदारांसह सरकारला पाठींबा दिला आहे. अजित पवार यांनी उपमुख्यमंत्री पदाची तर ८ आमदरांनी मंत्रिपदाची शपथ घेतली आहे. शरद पवार यांना हा मोठा धक्का मानल्या जात आहे. (Latest Marathi News)

दरम्यान राष्ट्रवादीमध्ये फूट पडल्यानंतर काँग्रेस सक्रिय झाली आहे. काँग्रेस नेत्यांनी कंबर कसली आहे. काँग्रेस म्हणू, काँग्रेसच आणू..., असा प्रचार काँग्रेसकडून राज्यात करण्यात येत आहे. शिवसेना आणि राष्ट्रवादीमध्ये झालेल्या बंडाचा काँग्रेस फायदा घेण्याच्या तयारीत आहे.

काँग्रेस नेते अशोक चव्हाण, सतेज पाटील यांनी हे ट्वीट केले आहे. आता हेच अंतिम सत्य आणि एकमेव शाश्वत!'भारतीय राष्ट्रीय काँग्रेस,' असा प्रचार करण्यात येत आहे.

अजित पवार यांचा मोठा बंड -  

राष्ट्रवादीचे नेते अजित पवार यांनी रविवारी महाराष्ट्रातील शिंदे सरकारमध्ये उपमुख्यमंत्रीपदाची शपथ घेतली. यानंतर अजित पवार यांनी राष्ट्रवादी काँग्रेस पक्ष आणि चिन्ह आपलेच असल्याचा दावा केला. त्यानंतर काही वेळातच राष्ट्रवादीचे अध्यक्ष शरद पवार यांनी आपण पक्षाचे अध्यक्ष असल्याचे सांगितले.

अजित यांच्यासोबत राजभवनात गेलेल्या काही आमदारांचेही फोन आल्याचा दावा शरद पवार यांनी केला. आमदारांनी आम्हाला वेगळं काही सांगून फोन केल्याचा दावा केला. यातील काहींनी आम्ही तुमच्यासोबत असल्याचे म्हटले आहे, असे शरद पवार यांनी स्पष्ट केले आहे.

शिंदे यांनी केलेल्या बंडाची पुनरावृत्ती-

राज्यात एकनाथ शिंदे यांनी केलेल्या बंडाची पुनरावृत्ती झाली आहे. गेल्या वर्षी जूनमध्ये एकनाथ शिंदे यांनी त्यांच्या समर्थक आमदारांसह उद्धव ठाकरे यांच्या नेतृत्वाखालील शिवसेनेविरोधात बंड केले. त्यानंतर महाराष्ट्रातील महाविकास आघाडीचे सरकार पडले. भाजपसोबत मिळून एकनाथ शिंद यांनी त्यांच्या समर्थक आमदारांसह नवीन सरकार स्थापन केले.

त्यानंतर एकनाथ शिंदे यांनी शिवसेना आणि उद्धव ठाकरे यांच्याकडून निवडणूक चिन्ह हिसकावून घेतले. आता वर्षभरानंतर पुन्हा त्याच दृश्याची पुनरावृत्ती अजित पवारांनी राष्ट्रवादीसोबत केली आहे. अजित पवारांनी त्यांच्या समर्थक आमदारांसह शरद पवार यांच्या विरोधात बंड केले आणि शिंदे सरकारमध्ये सामील झाले.