Ajit Pawar reaction Morning Swearing गेल्या काही दिवसांपासून पहाटेची शपथविधी पुन्हा चर्चेत आली आहे. अशातच उपमुख्यमंत्री देवेंद्र फडणवीस यांनी या शपथविधीबाबत शरद पवारांशी चर्चा करण्यात आली होती. असा खुलासा केल्यानंतर या चर्चेने अधिक जोर धरला आहे. अशातच आज पुण्यातील एका कार्यक्रमाला अजित पवार उपस्थित होते. मात्र, त्यांनी माध्यमांकडे येणं टाळलं. दरम्यान, एका वृत्तवाहिनीशी बोलताना अजित पवार यांनी दोनचं शब्दात प्रतिक्रिया दिली आहे.

पुण्यात दुपारी झालेल्या कार्यक्रमानंतर अजित पवार थेट गाडीकडे वळले. पवारांनी माध्यमांकडे पाठ फिरवल्याने राजकीय वर्तुळात चर्चेला उधाण आलं. अनेक तर्क वितर्क काढण्यात आले आहेत.

दरम्यान, टी व्ही ९ ला दिलेल्या मुलाखतीत, पवार यांनी शपविधीसंदर्भात भाष्य केलं आहे.

काय म्हणाले पवार?

ज्यावेळीस ही घटना घडली तेव्हा मी सर्व पत्रकारांना सांगितलं आहे की, मी याविषयावर बोलणार नाही. मग तुम्ही मला पुन्हा पुन्हा हे कशाकरता विचारता? असा संतप्त सवाल माध्यमांना उपस्थित केला. मी ज्यावेळी माझ्या मताशी ठाम असतो. मला बाकिच्यांचबद्दल बोलयचं नाही. मी शपथविधीबद्दल बोलणार नाही.