अलिबाग : गेल्यावर्षी अल्पवयीन मुलीवर बलात्कार केल्याप्रकरणी अलिबाग (Alibag) येथील विशेष सत्र न्यायालयाने आरोपीला २० वर्षांची शिक्षा सुनावण्यात आली आहे. आरोपीचे नाव परेश मते असे आहे.

याप्रकरणात आरोपी परेश मतेची पिडीतेशी फेसबुकवर (Facebook) मैत्री झाली होती. सुरवातीला आरोपीने पिडीतेशी जवळीक साधण्याचा प्रयत्न केला त्यानंतर फोनवरून संवाद साधून पिडीतेच्या एकटेपणाचा फायदा घेत तिला तिच्या मर्जीशिवाय पळवून नेले आणि पीडितेवर लैंगिक अत्याचार केले. या प्रकरणी पेण पोलीस ठाण्यात आरोपी विरोधात गुन्हा दाखल करण्यात आला होता.

त्यानंतर पोलीसांनी या प्रकरणी तपास सुरू केला आणि आरोपीविरोधात दोषारोप पत्र दाखल करण्यात आले. अलिबाग येथील विशेष सत्र न्यायालयाने या प्रकरणाची सुनावणी झाली. दोन्ही बाजूंचे युक्तीवाद ऐकल्यानंतर न्यायालयाने आरोपी परेश मते याला २० वर्षाची शिक्षा सुनावण्यात आली तर ५० हजार रूपयांचा दंडही ठोठावलाय.