Winter Session 2024 : विधान परिषदेचे विरोधी पक्षनेते अंबादास दानवे यांना निलंबनातून सूट दिल्यानंतर शुक्रवारी ते विधीमंडळाच्या कामकाजात सहभागी झाले आहेत. सभागृहात जाण्यापूर्वी यांनी नागपूरमध्ये झालेल्या एका घोटाळ्याला वाचा फोडली.
अंबादास दानवे म्हणाले की, मी तीन दिवसांच्या गॅपनंतर पुन्हा आलो आहे. काल एक घटना नागपूरची समोर आलीय. यामध्ये तब्बल १४ हजार शेतकऱ्यांचा सातबारा वापरला आणि नाव बदलून १४ हजार शेतकऱ्यांच्या नावावरील नुकसान भरपाई तलाठी आणि अधिकाऱ्यांनी लुबाडली. ही रक्कम ३४ कोटी रुपये असल्याचं अंबादास दानवे यांनी सांगितलं.
दानवे पुढे म्हणाले की, तलाठ्यापासून ते तहसीलदारांपर्यंत सगळेच या अपहारामध्ये सहभागी आहेत. शेतकऱ्यांच्या तोंडातला घास हिरावून घेण्याचं पाप केलं जात आहे. विशेष म्हणजे फडणवीस, बावनकुळे आणि गडकरी असूनही अशा घटना घडत आहेत. त्यामुळे सरकारवर प्रश्नचिन्ह उपस्थित झालंय, असं दानवे म्हणाले.
स्वतःवरील कारवाईवरुन बोलताना दानवे म्हणाले की, माझ्यावर अन्याय केलेला आहे, विरोधी पक्षनेत्याविना सभागृह चालवणे चुकीचं आहे. मलाच जबाबदार धरलं गेलं आणि कारवाई केली. जसा पूल कोसळला तसं हे सरकार हे कोसळेल, जी काही विकासाची कामं सुरुयत, ती स्वत:ला समृद्ध करण्यासाठी आहेत, असा आरोप त्यांनी सत्तापक्षावर ठेवला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.