मुंबई - राष्ट्रवादी काँग्रेसमध्ये दोन गट पडले असून या गटांमधील टीकाटिप्पणी आता वाढली आहे. शरद पवार गटाचे नेते रोहित पवार अनेकदा अजित पवार गटावर टीका करताना दिसतात. आज अजित पवार गटाचे नेते अमोल मिटकरी यांनी रोहित पवारांवर शेरो-शायरीच्या माध्यमातून टीका केली.

अमोल मिटकरी म्हणाले की, आजकाल दादा होण्यासाठी स्पर्धा सुरू झाली आहे. काय शिव-शाहू-फुले-आंबेडकरांच्या विचारांबाबत बोलतात. महाराष्ट्रात आता दोनच माणसं फुले-शाहू-फुले-आंबेडकरांच्या विचारांचे खरे वारसदार आहेत. ते म्हणजे आव्हाड आणि रोहित पवार आहेत, अशी उपरोधीक टीका मिटकरी यांनी केली.

.

ते पुढं म्हणाले की, आमचा विचारधारेशी संबंधच नाही, असं रोहित पवार आणि जितेंद्र आव्हाड बोलतात. मात्र वाय बी चव्हाण सेंटरवर हेच रोहित पवार शरद पवार साहेबांसमोर म्हणत होते की, आमच्या मतदार संघाचा विकास करायचा असेल तर सत्तेत सामील व्हायला पाहिजे. ही भूमिका रोहित पवारांची होती.

दरम्यान "हम आह भी भरते है तो, बदनाम हो जाते है, और वो कत्ल भी करते है तो चर्चा नही होती, वाह रे वाह, अशा शब्दात मिटकरी यांनी रोहित पवारांना टोला लगावला.